აშშ-ის მოქმედმა პრეზიდენტმა ბარაკ ობამამ ქვეყნის პირველი პირის რანგში ვაშინგტონში მთავარი ნაძვის ხე უკანასკნელად გაანათა, - ამის შესახებ Reuters იუწყება.

მედია საშუალების ინფორმაციით, ნაძვის განათების ცერემონიას ბარაკ ობამასთან ერთად პირველი ლედი მიშელ ობამა და მათი უმცროსი ქალიშვილი ესწრებოდნენ.

ბარაკ ობამას სიტყვით გამოსვლა პრეზიდენტის ოფიციალურ ვებგვერდზე გადაიცემოდა. აშშ-ის პირველმა პირმა ქვეყნის ღირებულებებსა და ტრადიციებს გაუსვა ხაზი და აღნიშნა, რომ ეს ღირებულებები ამერიკის მოსახლეობას აერთიანებს. ბარაკ ობაბამ მოქალაქეებს მადლობა გადაუხადა და აღნიშნა, რომ მისთვის აშშ-ის პრეზიდენტობა დიდი პატივი იყო.

ღონისძიების ჩატარებაში ობამების ოჯახს ცნობილი მსახიობები და მომღერლები ეხმარებოდნენ, მათ შორის ევა ლონგორია, მარკ ენტონი და კელი კლარკსონი. ნაძვის ხის განათებას ათასობით ადამიანი ესწრებოდა.

ცნობისთვის, ეს მთავარი ნაძვის ანთების რიგით 94-ე ცერემონიაა, ხოლო ბარაკ ობამამ ამ ცერემონიაში მერვედ მიიღო მონაწილეობა.

შეგახსენებთ, რომ 20 იანვარს აშშ-ში ახლადარჩეული პრეზიდენტის დონალდ ტრამპის ინაუგურაცია გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა