სოფლის მეურნეობის სამინისტროს სამეცნიერო-კვლევით ცენტრს  სამუშაო ვიზიტით  ესპანური სანერგე კომპანიის „La Encina“ მფლობელი ხუარეს ფერერა ესტუმრა. ესპანელ სტუმარს  სამეცნიერო-კვლევითი ცენტრის დირექტორი ლევან უჯმაჯურიძე და ცენტრის მრავალწლოვანი კულტურების კვლევისა და სარგავი მასალების წარმოების დეპარტამენტის წარმომადგენლები შეხვდნენ. შეხვედრაზე მხარეებმა მეხილეობისა და მემცენარეობის მიმართულებებით ერთობლივი სამეცნიერო კვლევების წარმოების, ასევე ერთობლივი პროექტების განხორციელება განიხილეს და თანამშრომლობის ფორმატზე შეთანხმდნენ.   
აღსანიშნავია, რომ მსოფლიოში ერთ-ერთ წამყვანი  სანერგე მეურნეობა   „La Encina“  გამორჩეულია ხეხილოვანი, კაკლოვანი და ციტრუსოვანი კულტურების, აგრეთვე აგროსატყეო და დეკორატიული მცენარეების ნერგების ფართო სპექტრით.

როგორც "ექსპრესნიუსს" სოფლის მეურნეობის სამინისტროდან აცნობეს, საქართველოში ვიზიტის ფარგლებში, სანერგე კომპანიის „La Encina“  მფლობელმა,  ხუარეს ფერერამ  სოფელ ჯიღაურაში  მრავალწლოვანი კულტურების საცდელ-სადემონსტრაციო ბაზა დაათვალიერა და ადგილზე გაეცნო იქ მიმდინარე  კვლევებს. 

როგორც ხუარეს ფერერამ განაცხადა, ესპანური კომპანია სოფლის მეურნეობის სამინისტროს  სამეცნიერო-კვლევით ცენტრს უსასყიდლოდ გადასცემს ხეხილისა და  ციტრუსოვანი კულტურების ნერგების კოლექციას, რომელთა უმეტესობაც საქართველოსთვის ახალ ჯიშებს წარმოადგენს. 

სოფლის მეურნეობის სამეცნიერო-კვლევითი ცენტრის დირექტორის, ლევან უჯმაჯურიძის განცხადებით, ახალი ჯიშის ნერგები   სამეცნიერო-კვლევითი ცენტრის აღმოსავლეთ და დასავლეთ საქართველოს სადემონსტრაციო ნაკვეთებზე (ჯიღაურა, ანასეული და სხვ) გაშენდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა