2016-05-03 10:58:07, 630 ნახვა
საზოგადოება
შსს-ს აკადემიის წარმომადგენლებმა ლიტველ ექსპერტებთან სამუშაო შეხვედრა გამართეს
შსს-ს პოლიციის აკადემიაში, პროექტის „აღმოსავლეთ პარტნიორობის ქვეყნების პოლიციის სფეროში თანამშრომლობა“ ფარგლებში, სამართალდამცველთა სასწავლო პროგრამებთან დაკავშირებით სამუშაო შეხვედრა გაიმართა.
უწყების ინფორმაციით, შსს-ს აკადემიის წარმომადგენლებმა და ლიტველმა ექსპერტებმა ლიტვის პოლიციის საბაზისო მომზადებისა და უმაღლესი განათლების სისტემა, საერთაშორისო პოლიციის ოფიცერთა მომზადების, ტრენინგ–პროგრამების განვითარების, დაგეგმვისა და განხორციელების საკითხები განიხილეს.
პროგრამის მიზანია ევროკავშირსა და აღმოსავლეთ პარტნიორობის ქვეყნებს შორის ურთიერთობის და ევროკავშირთან თანამშრომლობის გაღრმავება, გამოცდილების გაზიარება, პოლიციის საკითხებში სტანდარტიზაცია და ჰარმონიზაცია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
