თქვენ ყველაზე დიდი მეგობარი ხართ, ვინც კი ისრაელს ოდესმე თეთრ სახლში ჰყოლია, - ასე მიმართა ისრაელის პრემიერ-მინისტრმა, ბენიამინ ნეთანიაჰუმ აშშ-ის პრეზიდენტს, დონალდ ტრამპს ოვალურ ოფისში გამართული შეხვედრის შემდეგ გამართულ პრესკონფერენციაზე.

მან ჩამოთვალა ის ზომები, რაც დონალდ ტრამპმა აშშ-ის პრეზიდენტის თანამდებობის მეორე ვადით დაკავების შემდეგ განახორციელა, მათ შორის პალესტინის დახმარების სააგენტოსთან, UNRWA-თან დაკავშირებული აღმასრულებელი ბრძანებების ხელმოწერა და ირანზე მაქსიმალური ზეწოლის კამპანიის გაგრძელება.

"ეს ყველაფერი სულ რაღაც ორ კვირაში. შეგიძლიათ, წარმოგიდგენიათ სად ვიქნებით ოთხ წელიწადში? მე შემიძლია და ვიცი, რომ თქვენც შეგიძლიათ, ბატონო პრეზიდენტო“, - აღნიშნა ნეთანიაჰუმ.

დონალდ ტრამპის კომენტართან დაკავშირებით, რომ შეერთებულმა შტატებმა ღაზას სექტორზე კონტროლი უნდა დააწესოს, ნეთანიაჰუმ განაცხადა, რომ ეს არის იდეა, რომელიც „ყურადღების მიქცევის ღირსია“.

მისი თქმით, ისრაელი ორიენტირებულია იმაზე, რომ ტერიტორია აღარ იყოს საფრთხე მათი ქვეყნისთვის.

„პრეზიდენტი ტრამპი განსხვავებულ მომავალს ხედავს ღაზასთვის. ვფიქრობ, ეს არის რაღაც, რამაც შეიძლება ისტორია შეცვალოს“, - აღნიშნა ნეთანიაჰუმ.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა