საგარეო ურთიერთობების ექსპერტი თენგიზ ფხალაძე „ქართული ოცნების“ პოლიტსაბჭოს განცხადებას სოციალური ქსელით ეხმაურება. მისი თქმით, მმართველი პარტია თავის განცხადებაში ყველას ბრალს სდებს, გარდა რუსეთისა.

„ოცნების განცხადების შესაბამისად:

    1.    გვებრძვის ყველა, გარდა რუსეთისა! ყველას ჩვენი ჩაყლაპვა სდომებია, „ერთმორწმუნე“ ოკუპანტის გარდა!

    2.    „დიფ სთეითს“ და გლობალურ ომის პარტიას დაუმორჩილებიათ ამერიკაც და ევროკავშირიც. თურმე მთელი მსოფლიო მათ ხუშტურზე ტრიალებს, მაგრამ აი, „ქართულ ოცნებასთან“ ვერაფერს გახდნენ! 9,5 მილიარდი დოლარის ბიუჯეტით და 25 მილიარდი დოლარის საგარეო ვალით (რომელიც, სხვათა შორის, სწორედ ამ „დიფ სთეითის“ ქვეყნებიდან გვმართებს) სულ კუდით ქვა ასროლინეს თურმე მსოფლიოს ამრევებს!

    3.    როგორც ჩანს, მასონები საბოლოოდ დავამარცხეთ. მათზე განცხადებაში არაფერია ნათქვამი,“ - წერს ფხალაძე.

მისი თქმით, „ქართული ოცნების“ განცხადება წინააღმდეგობრივია და ქვეყნის დიპლომატიური ურთიერთობებისთვის სერიოზულ საფრთხეს წარმოადგენს.

ცნობისთვის, „ქართული ოცნების“ პოლიტსაბჭომ ვრცელი განცხადება გაავრცელა, სადაც ხაზგასმულია, რომ ანტიქართული განცხადებების ავტორები „დიფ სთეითის“ ქსელის წევრები არიან.

განცხადებაში აღნიშნულია, რომ „დიფ სთეითი“ და „გლობალური ომის პარტია“ ბიძინა ივანიშვილს მშვიდობისთვის სჯიან, თუმცა „ქართველ ხალხს ვერავინ ვერავითარი სანქციებით ვერ შეაშინებს“.

ასევე, მმართველი პარტია ამერიკელი კონგრესმენის, ჯო უილსონის მიერ ინიცირებულ ე.წ. „მეგობარ აქტს“ აკრიტიკებს და მას „მტრულ აქტს“ უწოდებს.

„ქართული ოცნების“ შეფასებით, თუ „დიფ სთეითის“ გავლენა ამერიკასა და ევროპაში მოიხსნება, ეს საქართველოს და ამერიკის ურთიერთობების თვისებრივ გადატვირთვას შეუწყობს ხელს.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება