2015-02-12 14:06:07, 820 ნახვა
პოლიტიკა
ზაქარეიშვილი: მინსკის მოლაპარაკება საქართველოსთვის გადამწყვეტი არა, მაგრამ მნიშვნელოვანი იქნება
"მინსკის მოლაპარაკება საქართველოსთვის გადამწყვეტი არა, მაგრამ მნიშვნელოვანი იქნება", - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა ჟურნალისტებს განუცხადა.
მინისტრს მოლოდინი აქვს, რომ მინსკში მიმდინარე მოლაპარაკების შედეგად, რუსეთი, სიტუაციის განსამუხტად გარკვეულ წილად ვალდებულებას აიღებს.
"მინსკში მიმდინარე მოლაპარაკებას ისტორიული მნიშვნელობა აქვს. იქ გარკვეულწილად ევროპის ბედი წყდება. მოლოდინი მაქვს, რომ რუსეთი გარკვეულ წილად ვალდებულებას აიღებს, რათა სიტუაცია განიმუხტოს", - აღნიშნა ზაქარეიშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
