12-13 თებერვალს, საქართველოს ორდღიანი ოფიციალური ვიზიტით რუმინეთის  საგარეო საქმეთა მინისტრი ბოგდან აურესკუ ეწვევა.

ამის შესახებ „ექსპრესნიუსს“ საგარეო საქმეთა სამინისტროდან აცნობეს.

უწყების ინფორმაციით, 12 თებერვალს, ბოგდან აურესკუ მონაწილეობას მიიღებს საქართველოს 2015 წლის წლიური ეროვნული პროგრამის (ANP) შემუშავების საერთაშორისო სემინარში. რუმინეთის საგარეო საქმეთა მინისტრი საქართველოში EUMM-ის მისიაში გამართავს შეხვედრას.

13 თებერვალს, ბოგდან აურესკუ ოფიციალურ შეხვედრებს გამართვას საქართველოს პრეზიდენტთან, პრემიერ-მინისტრთან, პარლამენტის თავმჯდომარესთან.  რუმინეთის საგარეო საქმეთა მინისტრი შეხვდება ქართველ კოლეგას, თამარ ბერუჩაშვილს, რის შემდეგაც საგარეო საქმეთა სამინისტროში მინისტრების ერთობლივი პრესკონფერენცია გაიმართება. 

საქართველოში ოფიციალური ვიზიტის ფარგლებში რუმინეთის საგარეო უწყების ხელმძღვანელი საოკუპაციო ზოლის გასწვრივ მდებარე სოფლებს მოინახულებს და არსებულ ვითარებას ადგილზე გაეცნობა.

ამასთან, ბოგდა აურესკუ საქართველოს ერთიანობისთვის დაღუპულ გმირთა მემორიალს გვირგვინით შეამკობს.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა