ეთნიკური ქართველი, რომელიც რუსეთის მხარეს იბრძოდა და უკრაინაში ტყვედ ჩავარდა, ამბობს, რომ მას სურს პოლიტიკური თავშესაფარი საქართველოს ან „ნებისმიერ სხვა დემოკრატიულ ქვეყანას“ სთხოვოს.

უკრაინული ტელეარხი FREEDOM ნოდარ ბახტურიძეს ესაუბრა. ვიდეოში გამოსახული მამაკაცი ამბობს, რომ საუბარზე ნებაყოფლობით თანხმობას იძლევა. თუმცა, არ ვიცით, რა ვითარებაში ჩაიწერა ინტერვიუ.

ბახტურიძე აცხადებს, რომ რუსეთის კოლონიაში არალეგალურად მსახურობდა. მამაკაცმა გააფორმა კონტრაქტი რუსეთის ფედერაციის თავდაცვის სამინისტროსთან და კერძო სამხედრო კომპანია "ვეტერანებში" მოხვდა. ამბობს, რომ უკრაინის ტყვეობას საბრძოლო ზონაში მისვლიდან მეორე დღეს ჩაბარდა.

„თავდაპირველად ასეთი იდეა მქონდა: დავნებდე და თავშესაფარი მეთხოვა სამშობლოდან, საქართველოდან“, - განაცხადა ბახტურიძემ.

მამაკაცი ამბობს, რომ დიდი ხანია ადევნებს თვალს უკრაინის დამოუკიდებლობასა და ტერიტორიულ მთლიანობას, რადგანაც მისი სამშობლო - „საქართველოც იგივე უბედურებაშია“. პარალელურად იგი 30 წელი ცხოვრობდა რუსეთში.

მანამდე ნოდარ ბახტურიძის შესახებ „ექო კავკასიის“ უკვე წერდა. დაჭერიდან მალევე გადაღებულ ვიდეოში მამაკაცმა თქვა, რომ ის იყო ამურის რეგიონის ქალაქ ტინდადან.

არაერთი ბლოგერი წერს, რომ ბახტურიძე ქართულ-აფხაზურ ომში მონაწილეობდა. დაიბადა და გაიზარდა კახეთში. მან საშუალო სკოლა სოფელ ნუკრიანში დაამთავრა და სიღნაღში ცხოვრობდა. სავარაუდოდ, ბახტურიძეს საქართველოს მოქალაქეობა არ აქვს.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება