დიდ დღესასწაულზე უკრაინელებს წყალობის ხელი გავუწოდეთ, მათმა ლიდერებმა კი არ მიიღეს, - ამის შესახებ რუსეთის უშიშროების საბჭოს თავმჯდომარის მოადგილე დიმიტრი მედვედევი აცხადებს.

მედვედევის თქმით, "ღორებს არ აქვთ რწმენა და თანდაყოლილი მადლიერების გრძნობა, მათ  მხოლოდ უხეში ძალის ესმით".

"ვფიქრობ, სპეციალურ სამხედრო ოპერაციაში მონაწილე ჩვენი სამხედრო პერსონალის უმეტესობამ მშვიდად ამოისუნთქა, როდესაც მთავარმა უკრაინელმა ჯამბაზებმა შობას ცეცხლის შეწყვეტაზე უარი განაცხადეს. სამწუხაროა, რომ ადამიანებმა დაკარგეს ეკლესიაში სიარულის შესაძლებლობა. ღორებს არ აქვთ რწმენა და თანდაყოლილი მადლიერების გრძნობა, მათ ესმით მხოლოდ უხეში ძალის. სწორედ ამას ეფუძნება დასავლური სწავლებები. გაუნათლებელმა ბებია ბერბოკმა და კიდევ სხვებმა მოახერხეს და ზავის დაუშვებლობას მიაღწიეს. ნაცისტების მემკვიდრეები არასდროს ზოგავენ ადამიანებს და ცხოველებს", - ამბობს მედვედევი.

შეგახსენებთ, გუშინ, 5 იანვარს რუსეთის პრეზიდენტმა 6 და 7 იანვარს ცეცხლის შეწყვეტის ბრძანება გასცა. ცეცხლის შეწყვეტის რეჟიმი 6 იანვარს, მოსკოვის დროით 12:00 საათზე უნდა ამოქმედდეს და 7 იანვრის 00:00 საათამდე დარჩეს ძალაში. აღსანიშნავია, რომ ვლადიმერ პუტინის გადაწყვეტილებამდე, "საშობაო ზავის" დაწესების ინიციატივით რუსეთის პატრიარქი კირილი გამოვიდა.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა