9 აპრილს გაერთიანებული ქართველი ერი საკუთარი სისხლის ფასად მედგრად დადგა დედამიწაზე ყველაზე დიდი მონსტრის წინაშე,- აცხადებს მარი მახარაძე 9 აპრილის გმირი, რომელმაც აქციის მონაწილეებს მიმართა.

მისივე თქმით,საქართველოს დამოუკიდებლობა ყველაზე მტკივნეული საკითხი იყო წინა თაობის საზოგადოებისათვის.

" ეს იყო ყველაზე მტკივნეული და ყველაზე ამაყი პერიოდი. ახალგაზრდები ვიყავით, ვიდექით ეროვნული გმირების გვერდით. გვჯეროდა, რომ სამყაროს შევცვლიდით. დღეს ხშირად ისმის კითხვა არ გეშინოდათ? მახსოვს სისხლით მორწყული რუსთაველი. არც ამ დღის გმირს ეკა ბეჟანიშვილს ეშინოდა, რომელმაც აქციის წინა დღეს დღიურში ჩაწერა- ადამიანი ისე როგორ უნდა მოკვდეს, რომ საკუთარი კვალი არ დატოვოს? დღეს არც ამ მოვლენების ცოცხალ მემატიანეს, ლელა ვეფხვაძეს ეშინია დღეს იგი უსამართლობასთან ბრძოლაში შიმშილობას მიმართავს. არც აფხაზეთში ეშინოდათ. სამშობლოს სიყვარული შიშით ვერ იქნება ან გიყვარს შენი ქვეყანა, ან არა. დღეს მე ქართველი ემიგრანტების დიდი არმიის ჯარისკაცი ვარ.პირველ რიგში რასაც ყველას ვპასუხობთ, ეს ჩვენი ეროვნებაა. მივმართავ მთავრობას და ოპოზიციას, არაფერს წარმოადგენთ ქართველი ხალხის გარეშე"- აცხადებს მარი მახარაძე.

შეგახსენებთ, რომ რუსთაველის გამზირზე, აქცია „შინ ევროპისკენ“ მიმდინარეობს.  სამართალდამცავებმა რუსთაველის გამზირი გადაკეტეს.

დღეს პროტესტი ახალ ეტაპზე გადავა - აქციის მონაწილეების ნაწილი გეგმავს, რომ არ დაიშალოს და პარლამენტის წინ ღამე გაათენოს. 

აქციის ორგანიზატორები მოძრაობა "სირცხვილიაა" და "შინ ევროპისკენ" არიან.

ავტორი: ექსპრესნიუსი,

სოციალური ქსელები

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა

ბრიტანეთში 28 წლის მამაკაცი დააკავეს, რომელიც მთავრობის და პარლამენტის ყოფილი წევრის, ენ ვიდეკომბის მკვლელობაშია ეჭვმიტანილი

ტრამპმა გარდაცვლილ ლინდსი გრეჰემს „ერთ-ერთი უდიდესი ადამიანი და სენატორი“ უწოდა