თუ ხელისუფლება და ივანიშვილი ყურად არ იღებს ქართველი ხალხის ნებას, მოვალთ კიდევ უფრო მეტი, ვიდრე ვართ დღეს, - სახალხო მოძრაობა ხელისუფლებას ერთ კვირას აძლევს. 

როგორც „სირცხვილიას“  წევრმა, შოთა დიღმელაშვილმა განაცხადა, უნდა გადადგეს საქართველოს პრემიერი ირაკლი ღარიბაშვილი და ეროვნული თანხმობით შეიქმნას მთავრობა, რომელიც ევროკომისიის გაწერილ 12-ვე პუნქტს შეასრულებს. 

"ქართველი ხალხის ნება არ ემთხვევა ოლიგარქის ნებას, ამიტომ დეოლიგარქიზაცია არის მთავარი საკითხი, რის გარეშეც ვერ მოხერხდება ვერანაირად საქართველოს ევროინტეგრცია და ეს არის საკითხი,რომელიც აუცილებლად უნდა მოვაგვაროთ. 

გადადგეს ირაკლი ღარიბაშვილი და ეროვნული თანხმობით შეიქმნას მთავრობა, რომელიც 12-ვე პუნქტს შეასრულებს ზამთარი სანამ მოვა. ჩვენ ვაძლევთ ვადას, ხელისუფლებას აქვს ერთი კვირა, რომ გადააყენოს ბიძინა ივანიშვილის მთავრობა. თუ ხელისუფლება და ივანიშვილი ყურად არ ღებს ქართველი ხალხის ნებას, მოვალთ კიდევ უფრო მეტი, ვიდრე ვართ დღეს და ვიდრე ვიყავით 20 ივნისს და ვანახებთ ქართველი ხალხის რისხვას , რომელიც ჯერ არ უნახავთ. მანამდე, 3 ივლისამდე ვივლით და დავარწმუნებთ ადამიანებს, სად სუფევს საქართველოს ხსნა. ხოლო 3 ივლისს წამოვალთ ყველა ქალაქიდან, ყველა სოფლიდან და შევიკრიბებით თბილისში, პარლამენტის წინ და დავრჩებით აქ და არ დავიშლებით, სანამ არ დაიშლება ოლიგარქია",- განაცხადა დიღმელაშვილმა. 

ავტორი: ექსპრესნიუსი,

სოციალური ქსელები

საფრანგეთის, გერმანიის, იტალიისა და დიდი ბრიტანეთის საგარეო საქმეთა სამინისტროები რუსეთ-საქართველოს ომთან დაკავშირებით ერთობლივ განცხადებას ავრცელებენ

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება