გადავწყვიტე ოფიციალურად ვუჩივლო ივანიშვილის ორივე ხელქვეითს,- წერს „ლელოს”დეპუტატი სალომე სამადაშვილი სოციალურ ქსელში.

მისივე თქმით, პრემიერ-მინისტრ ირაკლი ღარიბაშვილსა და "ქართული ოცნების" თავმჯდომარე ირაკლი კობახიძეს სასამართლოში უჩივის, რადგან მათ სამადაშვილი მოღალატედ გამოაცხადეს და ამით დეპუტატის მიმართ ძალადობა წაახალისეს.

"ღარიბაშვილის თავდასხმის შემდეგ, დამიკავშირდნენ სხვადასხვა საელჩოები და მკითხეს, უსაფრთხოდ ვგრძნობ თუ არა თავს. თვლიან, რომ ვინმეს გამოცხადება ქვეყნის მოღალატედ, არის ძალადობის წახალისება. მირჩიეს, რომ შევიტანო სარჩელი. დღეს კობახიძემ გაიმეორა იგივე. 
მსურს საზოგადოებას ვაცნობო, რომ გადავწყვიტე ოფიციალურად ვუჩივლო ივანიშვილის ორივე ხელქვეითს. არ ვიცი, რომელ სოროებში იქნებიან იმ დროისთვის, როდესაც ეს სარჩელი დაკმაყოფილდება, ივანიშვილის სასამართლო, ცხადია, სარჩელს თაროზე შემოდებს. მაგრამ მიაკითხავს სამართალი, ადრე თუ გვიან" - წერს სალომე სამადაშვილი სოციალურ ქსელში.

შეგახსენებთ, რომ პრემიერ ღარიბაშვილის თქმით,  სამადაშვილი პირადად დადიოდა ბრიუსელში და სთხოვდა ევროპარლამენტარებს, საქართველოსთვის კანდიდატის სტატუსი არ მიენიჭებინათ. ღარიბაშვილმა სამადაშვილს ქვეყნის მოღალატე უწოდა.

ავტორი: ექსპრესნიუსი,

სოციალური ქსელები

საფრანგეთის, გერმანიის, იტალიისა და დიდი ბრიტანეთის საგარეო საქმეთა სამინისტროები რუსეთ-საქართველოს ომთან დაკავშირებით ერთობლივ განცხადებას ავრცელებენ

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება