მივიღეთ ის რაც დავიმსახურეთ, ეს არის ეს არის ჩვენი მთავრობის 10 წლიანი მუშაობის შეფასება, - აცხადებს პრემიერ-მინისტრი ირაკლი ღარიბაშვილი საგანგებო ბრიფინგზე

მისივე თქმით, იმედი აქვს, რომ ოპოზიცია საკუთარ მიზნებზე მაღლა ქვეყნის ინტერესებს დააყენებს და პოლარიზაციის დასასრულებლად კონსტრუქციულ დიალოგს მიმართავს.

" მე მინდა შევაფასო ევროპული საბჭოს გადწყვეტილება. მივიღეთ ის რაც დავიმსახურეთ და ეს არის დამსახურებული მიღწევა. ევროპამ კარი გაუხსნა ჩვენს ქვეყანას, ეს არის ჩვენი მთავრობის 10 წლიანი მუშაობის შეფასება. ჩვენ მოვისმინეთ დაპირებები, რომ როგორც კი შევასრულებთ პრიორიტეტებს მაშინვე მიეცემა ქვეყანას კანდიდატის სტატუსი. ვართ მობილიზებულები, რომ შევასრულოთ ყველა პირობა, რომ რაც შეიძლება მალე მივიღოთ სტატუსი. უკრაინა არის უმძიმეს ომში და მოლდოვაც მძიმე მდგომარეობაშია, ჩვენ არ გვშურს მათი წახალისების. მზად ვართ კონსტრუქციული დიალოგისთვის პოლარიზაციის დასასრულებლად",- აცხადებს პრემიერი.

შეგახსენებთ, რომ ევროპულმა  პარლამენტმა მიიღო რეზოლუცია, რომელიც მხარს უჭერს უკრაინისა და მოლდოვისთვის ევროკავშირის კანდიდატის სტატუსის მინიჭებას. რაც შეეხება საქართველოს, გაცემულია იგივე რეკომენდაცია, თუმცა სტატუსის გადაცემა მოხდება მხოლოდ მაშინ, როცა საქართველოს მთავრობა დააკმაყოფილებს ევროპული კომისიის დასახულ პრიორიტეტებს.

 რეზოლუციას მხარი 529 ევროპარლამენტარმა დაუჭირა, 45 კი წინააღმდეგი იყო. 14-მა თავი შეიკავა. საქართველოს მიერ გატარებული რეფორმების განმეორებითი შეფასება 6 თვეში მოხდება.

ავტორი: ექსპრესნიუსი,

სოციალური ქსელები

ბათუმში ამზადებდნენ ცნობილი ბრენდების ფალსიფიცირებულ ვისკისა და სხვა ალკოჰოლურ სასმელებს

პოლიციამ კომპიუტერული მონაცემების ხელყოფის ბრალდებით ერთი პირი დააკავა, მეორის მიმართ კი დევნა დაიწყო

მიხეილ სააკაშვილი – არ მივატოვე ხალხი განსაცდელში, ფეხზე დავაყენე საქართველო, მთელი დემოკრატიული სამყარო და ქვეყანა გადავარჩინეთ

აშშ-ის საელჩო - აშშ კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით