აქცია – „შინ, ევროპისკენ“ დღეს, 20 ივნისს გაიმართა ბათუმში საზოგადოებრივი ორგანიზაციების ჩართულობით. ბათუმში გამართულ აქციაზე მოსახლეობას მიმართეს ლექტორებმა, მასწავლებლებმა, ექიმებმა, უფლებადამცველებმა და სტუდენტებმა.
იქთიოლოგმა, ბიოლოგიის დოქტორმა არჩილ გუჩმანიძემ განაცხადა, რომ შავი ზღვის პირას მდებარე ქვეყნებიდან საქართველო, რუსეთთან ერთად რჩება ქვეყნად, რომელიც არ არის ევროკავშირის წევრი და არც კანდიდატი.

„მესმის მოსაზრება და ამან არაერთხელ გაიჟღერა, თითქოს საქართველოს კანდიდატის სტატუსი არ მისცეს იმის გამო, რომ აქ შუაშია გეოგრაფია. ეს არ არის ასე, ეს არის უდიდესი ტყუილი.

2007 წელს, როცა ბულგარეთი და რუმინეთი გახდნენ ევროკავშირის წევრები, შავი ზღვა გახდა ევროკავშირის ზღვა. ყველა დონის შეხვედრაზე საქართველოს ყოველთვის მოიაზრებდნენ, როგორც შავი ზღვის რეგიონის ქვეყანას. ევროკავშირს ყოველთვის კარგად ესმოდა, რომ შავი ზღვის ამ უნიკალური გარემოს შენარჩუნება და მისი რესურსების მდგრადი მართვა საქართველოს ჩართულობით უფრო ეფექტურად განხორციელდებოდა. - ციტირებს "ბათუმელები"  არჩილ გუჩმანიძეს.
 
ევროკავშირის და საქართველოს დროშები, ჰიმნი და ზუგდიდელი მოქალაქეების გზავნილი ევროპას, რომ "შინ" დაბრუნების დროა - ასეთი ფორმით გამოხატეს მთავარი სათქმელი დღეს სკეიტ პარკში შეკრებილებმა. ტრიბუნიდან აქციის მონაწილეებს ახალგაზრდებმა, სამოქალაქო აქტივისტებმა, ექიმებმა, პოეტებმა, არასამთავრობო ორგანიზაციის და სხვადასხვა სფეროს წარმომადგენლებმა მიმართეს. მათ კიდევ ერთხელ შეახსენეს მოსახლეობას და ხელისუფლებასაც, თუ რატომ ირჩევენ ევროპას და რა სიკეთეებს მოუტანს ქვეყანას ევროინტეგრაცია. აღნიშნეს, რომ ამ ისტორიული შანსის ხელიდან გაშვება, რასაც საუკუნეები ელოდა საქართველო, არ შეიძლება და პოლიტიკური გემოვნების მიუხედავად, ამ საერთო მიზნის გარშემო უნდა გაერთიანდნენ. 

აქციის ერთ-ერთი ორგანიზატორის, "საერთაშორისო გამჭვირვალობა-საქართველოს" ზუგდიდის ოფისის ხელმძღვანელ არჩილ თოდუას განცხადებით, ვერ გავხდებით ევროკავშირის წევრი ქვეყანა, თუკი არ გვექნება ევროპული ტიპის მმართველობა. მისივე თქმით, ევროპა მზადაა საქართველოს მისაღებად დიდ ევროპულ ოჯახში, თუმცა ახლა თავად ქვეყანამ უნდა შეასრულოს ვალდებულებები საამისოდ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს