პოლარიზაციის გაზრდის მიზანს ემსახურება ეს თავყრილობა,- ასე აფასებს პარლამენტის თავმჯდომარე შალვა პაპუაშვილი „შინ ევროპისკენ“ აქციას, რომელიც პარლამენტის წინ დღეს გაიმართება.

 ტელეკომპანია „იმედის“ გადაცემაში საუბრისას, პაპუაშვილმა აღნიშნა, რომ ოპოზიციური პარტიების მიერ ამ აქციების უკრაინულ მაიდანთან შედარება, მათ დესტრუქციულ მიზბებს წარმოაჩენს.

"ამ აქციის ორგანიზატორი გახლავთ ნაციონალური მოძრაობის ახალგაზრდული ფრთა სირცხვილია, რომელიც ცნობილია, მათ შორის ძალადობრივი აქციებით და ასე შემდეგ და თავად ნაციონალური მოძრაობა, შესაბამისად, არის ამ აქციის ორგანიზატორი - ეს ერთი. მეორე, სწორედ ის რონ, რანაირად შეიძლება, რადგან ამბობენ, რომ 24 ივნისის ევროპული საბჭოს სხდომის წინ უნდათ, რომ გააგონონ თითქოს მზაობა ხალხის ევროპულ მომავალთან დაკავშირებით, მაშინ, როდესაც კომისია ამბობს, რომ შეეცადოს ყველა დეპოლარიზაციას, სწორედ პოლარიზაციის გაზრდის მიზანს ემსახურება ხვალინდელი ეს თავყრილობა. და მესამე, მოთხოვნებს ხედავთ ხო რაც არის, დაწყებული იქიდან, რომ უნდა გავყაროთ ხელისუფლება, გაგრძელებული სხვათაშორის, გიგა ბოკერიას ჰქონდა განცხადება, რომ სისხლისღვრა და ასე შემდეგ, ამ ტერმინების გამოყენება,  მაიდანთან შედარება მომავალი განვითარებების, რაც თავიდანვე აჩვენებს, რომ ეს პირდაპირ დესტრუქციაზე მიმართული აქციაა,"- აცხადებს პაპუაშვილი.

დღეს, 20 ივნისს, 20 საათზე, საქართველოს პარლამენტის შენობასთან აქცია “შინ ევროპისკენ” გაიმართება. აქციაზე შეკრებილ მოქალაქეებს სამოქალაქო საზოგადოების, უკრაინის ხელისუფლებისა და ევროკავშირის წარმომადგენლები მიმართავენ სიტყვით.აქცია სამოქალაქო მოძრაობა “სირცხვილიამ” დააანონსა და მოქალაქეებთან ერთად, სხვადასხვა უნივერსიტეტისა და სამოქალაქო მოძრაობების წევრები შეუერთდებიან. 21:00 საათზე, აქციის მონაწილეები მსვლელობით გაემართებიან ევროპის მოედნისკენ, სადაც ღონისძიების დასკვნითი ნაწილი გაიმართება.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს