რიტორიკა გეოგრაფიასთან დაკავშირებით ძალიან სამწუხაროა, იმიტომ, რომ ამან შეიძლება დღეს შეაფერხოს კანდიდატის სტატუსი, ხვალ შეაფერხოს წევრობა - ამის შესახებ „ქართული ოცნების“ თავმჯდომარე ირაკლი კობახიძემ საქართველოს პირველი არხის გადაცემაში „დღის თემა“ განაცხადა. 

როგორც ირაკლი კობახიძემ აღნიშნა, ერთადერთი, რასაც ვერ შევცვლით, ეს არის გეოგრაფია და როდესაც ამაზე აქცენტი კეთდება, ეს არის სამწუხარო და ძალიან მძიმედ მოსასმენი საზოგადოებისთვის.
მისივე თქმით, 2005 წელს, როცა იქმნებოდა აღმოსავლეთ პარტნიორობის სქემა, სწორედ გეოგრაფიული მოტივით საქართველოს თავდაპირველად ეთქვა უარი, თუმცა, შემდეგ საქართველო გახდა სქემის შემადგენელი ნაწილი. 

„ამ შემთხვევაშიც წამოვიდა ეს რიტორიკა გეოგრაფიასთან დაკავშირებით. ეს ძალიან სამწუხაროა, იმიტომ, რომ ამან შეიძლება დღეს შეაფერხოს კანდიდატის სტატუსი, ხვალ შეაფერხოს წევრობა. ერთადერთი, რასაც ვერ შევცვლით, ეს არის გეოგრაფია და როდესაც ამაზე აქცენტი კეთდება, ეს არის სამწუხარო და ძალიან მძიმედ მოსასმენი საზოგადოებისთვის, იმიტომ, რომ გეოგრაფია არის არა ის, რაც ჩვენ ავირჩიეთ, არამედ ის, რაც ჩვეულებრივი, ფიზიკური მოცემულობა და ამაზე მინიშნება ძალიან მძიმეა, იმიტომ, რომ ხვალ შეიძლება იგივე ვიღაცამ წევრობაზე თქვას, როცა  საქმე საქმეზე მიდგება. არ ვიცი, რატომ გახდა ასეთი აქტუალური, ამის ახსნა მე გამიჭირდება, უნდა ვკითხოთ ამ რიტორიკის ავტორებს“ - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს