საფოსტო მარკა წარმოადგენს ქვეყნის სუვერენიტეტის ერთ-ერთ მახასიათებელს და გამოვლინებას. ამიტომ, მას ხშირად ქვეყნის სავიზიტო ბარათს უწოდებენ. - განაცხადა ეკონომიკისა და მდგრადი განვითარების მინისტრის მოადგილემ, გურამ გურამიშვილმა PostEurop-სოფიციალური ლოგოთი გამოცემული მარკების პრეზენტაციაზე, რომელიც ლადო გუდიაშვილის მუზეუმში გაიმართა.

მისივე თქმით, PostEurop-ს მარკა არის სპეციალური საკონკურსო მარკა, რომელიც გამოიცემა PostEurop-ს ოფიციალურ ლოგოთი (PostEurop-ის რეგისტრირებულ სავაჭრო ნიშანით) ყოველწლიურად, 1993 წლიდან PostEurop-ის მიერ შერჩეული თემატური გეგმის მიხედვით.

"წელს PostEurop მარკის თემატიკაა „ამბები და მითები", რომლის შესაბამისად შემუშავებულია და 2 ივნისიდან მიმოქცევაშია 2 საფოსტო მარკა. მასზე დატანილია გამოჩენილი ქართველი ფერმწერის ლადო გუდიაშვილის ნამუშევრები „მედეა მიფრინავს იაზონთან" და „ლეგენდა თბილისის დაარსებისა". იმედს ვიტოვებთ, რომ მოიპოვებს შესაბამის აღიარებას  PostEurop-ის კონკურსზე," - ნათქვამია განცხადებაში.

პრეზენტაციის ფარგლებში, „საქართველოს ფოსტასა" და ლადო გუდიაშვილის საგამოფენო დარბაზს შორის ურთიერთთანამშრომლობის მემორანდუმს მოეწერა ხელი. მემორანდუმი მიზნად ისახავს "PostEurop" - ის თემატიკით შექმნილი Europa 2022 - ის საერთაშორისო საკონკურსო მარკის პოპულარიზაციას. მემორანდუმს ხელი მოაწერეს „საქართველოს ფოსტის" გენერალურმა დირექტორმა ლევან ჩიკვაიძემ და ლადო გუდიაშვილის ფონდის თავმჯდომარემ ელისაბედ ლორთქიფანიძემ.

აღსანიშნავია, რომ ასეთი მარკების გამოცემის უფლებამოსილება აქვთ PostEurop-ის წევრ საფოსტო ოპერატორებს. ყოველწლიურად, აღნიშნული გაერთიანების ორგანიზებით, წევრი ქვეყნების ეროვნული ოპერატორები  გამოსცემენ Europa - ის საკონკურსო მარკას. ქვეყნებს შორის რჩეული მარკა გამოვლინდება ხმის მიცემის საფუძველზე, რომელსაც ახორციელებენ რიგითი მოქალაქეები, მსოფლიო მასშტაბით. ხმის მიცემა გრძელდება 2022 წლის 9 სექტემბრის ჩათვლით

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს