ვერავითარი ირიბი ან პირდაპირი სანქცია ბიძინა ივანიშვილს ვერ შეაშინებს და ვერ გახდება მოტივაცია მისთვის ხელისუფლებას მიუბრუნდეს, შემოვიდეს პოლიტიკაში და აიძულოს ჩართოს სამხედრო კონფლიქტში. ამას ვერ ეღირსება ვერავინ! - ამის შესახებ პარტია „ქართული ოცნება - დემოკრატიული საქართველოს“ თავმჯდომარემ, ირაკლი კობახიძემ პრესკონფერენციაზე დასმული კითხვის საპასუხოდ განაცხადა.

როგორც კობახიძემ აღნიშნა, რუსეთისთვის დაწესებული სანქციები ბიძინა ივანიშვილზე ირიბად მოქმედებს, თუმცა „ივანიშვილს ეს ირიბი სანქციები ვერ შეაშინებს, ეს კარგად უნდა გაიაზროს როგორც სალომე ზურაბიშვილმა, ასევე თითოეულმა მოქალაქემ“.

„ბიძინა ივანიშვილის ადვოკატი ამბობს, რომ ირიბი სანქციები მის მიმართ ისედაც მოქმედებს. აქ ყველა ხვდება, რომ ბიძინა ივანიშვილს არ აქვს გულუბრყვილო წარმოდგენა, როგორც აქვს სალომე ზურაბიშვილს, თითქოს ვიღაცის უმუშევრობის გამო მოხვდა რაღაც რეზოლუციაში. ირიბი სანქცია რეზოლუციამდეც იყო. ბიძინა ივანიშვილის ადვოკატმა პირდაპირ თქვა, რომ ირიბი სანქციები მის წინააღმდეგ მანამდეც მოქმედებდა, ეს უბრალოდ აისახა რეზოლუციაში. ასევე, როცა ადვოკატი იმასაც ამბობს, რომ ივანიშვილს ეს ირიბი სანქციები ვერ შეაშინებს, ეს კარგად უნდა გაიაზროს როგორც სალომე ზურაბიშვილმა, ასევე თითოეულმა მოქალაქემ. ეს მართლაც ასეა, ვერავითარი ირიბი ან პირდაპირი სანქცია ბიძინა ივანიშვილს ვერ შეაშინებს და ვერ გახდება მისთვის მოტივაცია ხელისუფლებას მიუბრუნდეს, შემოვიდეს პოლიტიკაში და აიძულოს ჩართოს სამხედრო კონფლიქტში. ამას ვერ ეღირსება ვერავინ! - მათ შორის პირველ რიგში ისინი, ვინც აწესებს პირდაპირ სანქციებს ბიძინა ივანიშვილის წინააღმდეგ, თუ მოითხოვს ამ სანქციების დაწესებას. გამორიცხულია, მათ ამას მიაღწიონ - შემოაბრუნონ ივანიშვილი პოლიტიკაში მისი ნების საწინააღმდეგოდ და მოათხოვნინონ ხელისუფლებისთვის მეორე ფრონტის გახსნა. ეს არის აბსურდი და ისინი ამას ვერ ეღირსებიან!“ - განაცხადა კობახიძემ.

ცნობისთვის, ევროპარლამენტმა საქართველოში მედიის თავისუფლებისა და ჟურნალისტების უსაფრთხოების დარღვევების შესახებ რეზოლუცია 9 ივნისს მიიღო. ევროპარლამენტი მოუწოდებს საქართველოს ხელისუფლებას, მტკიცედ დაიცვან დემოკრატიის, კანონის უზენაესობის, სასამართლოს დამოუკიდებლობის, სამართლიანი სასამართლოსა და ფუნდამენტური თავისუფლების უმაღლესი სტანდარტები.

ევროპარლამენტი ევროპულ საბჭოს ასევე მოუწოდებს ბიძინა ივანიშვილისთვის პირადი სანქციების დაწესების საკითხი განიხილოს.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს