პირდაპირი აზრის მომწიფების მცდელობა იყო ის, რასაც ამბობდნენ გიგაური, უსუფაშვილი, მარგველაშვილი, ჭიაბერაშვილმა გააგრძელა ეს ყველაფერი და ა.შ.  მედია საშუალებები პირდაპირ ხსნიდნენ იმას, თუ როგორ შეუძლია საქართველოს ცხინვალის და სოხუმის აღება. ეს იყო მათი რიტორიკა, ეს იყო აზრის მომწიფების მცდელობა, რაც ჩაუვარდათ. ახლა გასაგებია, რომ გიგაური უკან იხევს იმიტომ, რომ არ გამოუვიდა აზრის მომწიფება, თუმცა საზოგადოებას ახსოვს აბსოლუტურად ყველაფერი - ამის შესახებ „ქართული ოცნების“ თავმჯდომარე ირაკლი კობახიძემ დღეს გამართულ ბრიფინგზე განაცხადა. 

ირაკლი კობახიძემ მოიყვანა ეკა გიგაურის ციტატა, სადაც იგი ამბობს - „რუსეთი ომს აგებს უკრაინაში, იქ არ ყოფნის რესურსი, ამიტომ ვერ დაიწყებს ყველა მიმართულებით საომარ მოქმედებებს, ყველაფერი უნდა გავაკეთოთ, რათა ეს შესაძლებლობების ფანჯარა გამოვიყენოთ“. 

როგორც ირაკლი კობახიძემ აღნიშნა, გიგაური ახლა ამბობს, რომ  სხვა რამეს ამბობდა.
მისივე თქმით, ეკა გიგაურის ეს განცხადება ვიღაცას აძლევს იმის თქმის საბაბს, რომ დასავლეთია დაინტერესებული მეორე ფრონტით. 

„ეკა გიგაური როდესაც ამას ამბობს, 20 წელია ბრეჟნევივით არის ერთი და იგივე ენჯეოს ხელმძღვანელი და იღებს დაფინანსებას ერთი და იგივე წყაროდან, როდესაც ამას ამბობს, მერე ეს ვიღაცისგან მიეწერება დასავლელ პარტნიორებს, ამიტომ,  იქ მნიშვნელოვანია, მოხდეს ასეთი განცხადების უარყოფა მყისიერად. როდესაც უსუფაშვილი, მარგველაშვილი, ჭიაბერაშვილი და სხვები ამ განცხადებებს აკეთებენ და მერე სელფებს იღებენ უცხოელ დიპლომატებთან თუ პარტნიორებთან, აქაც ძალიან მნიშვნელოვანია, რომ მოხდეს გამიჯვნა ასეთი განცხადებებიდან. როდესაც ვიღაცეები ცდილობენ მოამწიფონ აზრი მეორე ფრონტის შესახებ და ამას არავინ ემიჯნება, ეს რა თქმა უნდა აჩენს გარკვეულ საფუძველს თუ საბაბს“ - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს