არის დიდი იმედი, რომ ბოლო  ათწლეულის განმავლობაში „ქართული ოცნების“  მიერ განხორციელებული ყველა რეფორმა იქნება მხედველობაში მიღებული და სწორედ ამის საფუძველზე მივიღებთ კანდიდატის სტატუსს. აუცილებელია,  ევროპის მხრიდან დაფიქსირდეს ყველაზე უფრო სამართლიანი გადაწყვეტილება, რადგან ევროკავშირი ყოველთვის ასოცირდება პოლიტიკურ სამართლიანობასთან - ამის შესახებ უმრავლესობის წევრმა გიორგი ხელაშვილმა ჟურნალისტებთან განაცხადა. 

მისი თქმით, თუ რამე უარყოფითი ჩაიწერა კანდიდატურასთან დაკავშირებით ეს იქნება „ოპოზიციის დამსახურება“, რომელმაც ყველაფერი გააკეთა იმისთვის, რომ დაეზიანებინა საქართველოს პერსპექტივა.

„არის დიდი იმედი იმისა, რომ ბოლო  ათწლეულის განმავლობაში „ქართული ოცნების“  მიერ განხორციელებული ყველა რეფორმა იქნება მხედველობაში მიღებული და სწორედ ამის საფუძველზე მივიღებთ კანდიდატის სტატუსს. თუმცა არ გამოვრიცხავ, რომ ოპოზიციის მიერ ბოლო კვირების განმავლობაში წარმოებულმა ძალიან მძიმე ანტისახელმწიფოებრივმა კამპანიამ ევროპაში, მიმდინარე პოლიტიკური მომენტი, ცუდად აისახა ეს ჩვენს პერსპექტივაზე და თუ კი რამე უარყოფითი იქნა ჩაწერილი ამ კანდიდატურასთან დაკავშირებით ეს იქნება „ოპოზიციის დამსახურება“. ვფიქრობ, რომ კანდიდატის სტატუსთან დაკავშირებით ჯერ კიდევ გაყოფილია აზრები, როგორც ჩვენთან ასევე უკრაინასთან და მოლდოვასთან მიმართებაში“ - განაცხადა გიორგი ხელაშვილმა. 

მისივე თქმით,  ყოველთვის სასურველია, რომ გრძელვადიანი და მოკლევადიანი პოლიტიკური პროცესები ერთმანეთთან იყოს თანხვედრაში. 
გრძელვადიან პროცესზე არავის აქვს ჩვენთან არანაირი პრეტენზია, რაც შეეხება მოკლევადიან პროცესს, პოლიტიკურ მომენტს, აქ ოპოზიციამ ყველაფერი გააკეთა იმისთვის, რომ დაეზიანებინა საქართველოს პერსპექტივა ევროკავშირის კანდიდატის სტატუსის მიღების. როდესაც ჩვენ ეს ვამხილეთ მაშინვე ოპოზიციამ დაიწყო საუბარი იმაზე, თუ რა აქტიურად უჭერენ მხარს კანდიდატის სტატუსს. რა თქმა უნდა, ეს ფარისევლობა, ეს პირფერობა არავის დაუჯერებია და ყველას ძალიან კარგად ესმის რაშიც არის საქმე. ამის მიუხედავად, სწორედ იმის გამო, რომ ჩვენ წლების განმავლობაში ვიმუშავეთ ძალიან თანმიმდევრულად ევროკავშირის წევრობისთვის, ყველა პირობის შესრულებისთვის, დიდი იმედი გვაქვს, რომ გადაწყვეტილება იქნება სამართლიანი ევროკავშირის მხრიდან, ვინაიდან ეს არის ეპოქალური, ძალიან დიდი მნიშვნელობის გადაწყვეტილება და ის იქნება დადებითი კანდიდატის სტატუსის მიღებასთან დაკავშირებით. შესაძლოა მას ჰქონდეს გარკვეული პირობები ეს არის ჩვეულებრივი პრაქტიკა, მაგრამ აუცილებელია,  ევროპის მხრიდან დაფიქსირდეს ყველაზე უფრო სამართლიანი გადაწყვეტილება, რადგან ევროკავშირი ყოველთვის ასოცირდება პოლიტიკურ სამართლიანობასთან“ - განაცხადა გიორგი ხელაშვილმა.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს