ბატონმა ივანიშვილმა, ღარიბაშვილის მეშვეობით, ახალი მესიჯბოქსი შემოგვთავაზა საზოგადოებას: თურმე, ევროკავშირში გაწევრიანებისთვის ყველა პირობა შევასრულეთ და ხელს მარტო ნაციონალური მოძრაობა გვიშლის. გამოდის, ნაციონალურ მოძრაობას იმხელა გავლენა აქვს ევროკავშირის 27-ვე ქვეყანაზე, რომ შეუძლია ჩვენი წევრობა დაბლოკოს, ან პროცესი დადებითად გადაწყვიტოს, - ამის შესახებ ოპოზიციონერმა პოლიტიკოსმა კახა ოქრიაშვილმა განაცხადა.

მისი თქმით, „ქართულ ოცნებას“ სურს, ხალხი ვირტუალურ სივრცეში აცხოვროს, რადგან ისინი უტვინო ბრბო ჰგონია და ყოველი ასეთი განცხადებით შეურაცხყოფას აყენებს მათ.

"ამ ლოგიკით, რაში გვჭირდება „ოცნება“, თუ ნაციონალურ მოძრაობას შეუძლია ევროკავშირის წევრი გაგვხადოს, თანაც ავტომატურად, ერთი ზარით?! 

ევროკავშირის ელჩი საქართველოში, კარლ ჰარცელი აცხადებს, ცუდად ხართ მომზადებულებიო  და ევროკავშირის წევრობის გზაზე ნაკისრ დემოკრატიულ რეფორმებს არ ატარებთო. ივანიშვილი კი პასუხობს, რომ ყველა პირობა შესრულებული აქვს.  აქედან დასკვნა - არც აპირებენ არაფრის შესრულებას და თავს ხან მოლდოვას, ხან უკრაინას და ყოველთვის ნაციონალური მოძრაობის წარსულს ადარებენ. 

ჩვენ კი, საზოგადოება მათ ყოფილ სოციალისტურ და  ახლა უკვე ევროკავშირის წევრ ქვეყნებს ვადარებთ - ესტონეთს, პოლონეთს, ჩეხეთს, სლოვაკეთს. შედეგი ჩვენი ქვეყნისთვის არასახარბიელოა.   

ეკონომიკასთან დაკავშირებით: ღარიბაშვილმა ბრძანა, რომ უპრეცედენტო ზრდა გვაქვს. 2012 წლიდან, 2,6 %-დან 4,5 %-მდე გვქონდა ეკონომიკური ზრდა, ინფლაცია იყო 3 % -ის ფარგლებში და ეს იმას ნიშნავს, რომ ნულთან ახლოს ვიყავით. ეს ზრდაც არ გვექნებოდა, რომ არა ემიგრანტების მიერ ყოველწლიურად გადმორიცხული 2,5 მლრდ დოლარი და საგარეო სესხებით უზრუნველყოფილი მსხვილი ინფრასტრუქტურული პროექტები. 

მსოფლიო ბანკი თვლის, რომ საქართველოს ეკონომიკა  წელს გაიზრდება 2,5 %-ით , ინფლაცია 8 %-ზე მეტია, ე.ი. გავდივართ მინუს 5 %-ში.

აი, ეს არის რეალური სურათი.  ახლა ხომ გასაგებია, რატომ დაიწყო „ოცნებამ“ ერეკლე მეფეზე საუბარი?! ისიც ხომ გასაგებია, რატომ დაიწყეს  2020-ში კარტოგრაფების საქმე?! „ოცნებას“ სურს, ხალხი ვირტუალურ სივრცეში აცხოვროს! 

ნათელია, რომ „ოცნებას“ ხალხი მართლა უტვინო ბრბო ჰგონია და ყოველი ასეთი განცხადებით შეურაცხყოფას გვაყენებს.
           
იმედი მაქვს, ევროკავშირი მოგვანიჭებს კანდიდატის სტატუსს, ქვეყნის დემოკრატიზაციის რეგრესის მიუხედავად, რათა  ჩვენ ერთად,  ოპოზიციამ და საზოგადოებამ, ევროკავშირის მხარდაჭერით, ვაიძულოთ ბატონი ივანიშვილი, გაატაროს ჭეშმარიტად დემოკრატიული რეფორმები. 

არ სურს, გამოსვლა პესიმისტურ ნოტაზე დავასრულო - ნებისმიერ დაღმასვლას აღმასვლა მოჰყვება, ეს დიალექტიკის კანონია. ის ისეთივე ზუსტია, როგორც ნებისმიერი ფიზიკა-მათემატიკური კანონი.

ასე რომ, მალე დავემშვიდობებით „ოცნებას“ და როგორ?! - ამას შემდეგ გამოსვლაში გიამბობთ",- განაცხადა ოქრიაშვილმა. 
 

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს