2022-05-31 11:00:14, 1627 ნახვა
პოლიტიკა
ევროპული საბჭო საქართველოს, უკრაინისა და მოლდოვას წევრობის საკითხს ივნისში დაუბრუნდება
ევროპული საბჭო საქართველოს, უკრაინისა და მოლდოვას ევროკავშირში კანდიდატის მიღებაზე შეტანილ განაცხადის საკითხს ივნისის შეხვედრაზე დაუბრუნდება.
"ევროპული საბჭო ითვალისწინებს კომისიის მოსაზრებების მომზადებას უკრაინის, ასევე მოლდოვას რესპუბლიკისა და საქართველოს ევროკავშირში წევრობის განაცხადის შესახებ და საკითხს ივნისის სხდომაზე დაუბრუნდება", - წერია განცხადებაში.
ევროკავშირის წევრობის განაცხადები საქართველომ 3 მარტს წარადგინა. 11 აპრილს საქართველოს წევრობის კანდიდატი ქვეყნის სტატუსის თვითშეფასების კითხვარი ოფიციალურად გადაეცა. საქართველოს მთავრობამ კითხვარის პირველი, შევსებული ნაწილი ბრიუსელს 2 მაისს გაუგზავნა, ხოლო მეორე ნაწილი - 10 მაისს.
ავტორი: ექსპრესნიუსი,
epn.ge (@expressnews.ge)
