ევროპის სახალხო პარტია საქართველოში მიმდინარე პოლიტიკურ პროცესებზე განცხადებას ავრცელებს და არსებულ პრობლემებზე საუბრობს, რომელმაც "გამოიწვია დემოკრატიული ინსტიტუტების ეროზია"

"ნასამართლობა, დაპატიმრება და შემდგომი არაადამიანური, დამამცირებელი მოპყრობა - მათ შორის აუცილებელი სამედიცინო დახმარების უარყოფა - და ცილისმწამებლური პროპაგანდა, რომელიც მიმართულია საქართველოს ხელისუფლების მიერ მიხეილ სააკაშვილის, საქართველოს ისტორიაში დემოკრატიულად არჩეული მესამე პრეზიდენტის წინააღმდეგ, ამ ტენდენციების კიდევ ერთი ნათელი მაგალითია. გამოჩენილი მედიის მენეჯერისთვის ნიკა გვარამიას ბოლოდროინდელი პატიმრობა კი კიდევ უფრო ხაზს უსვამს საქართველოში მედიის თავისუფლების საფრთხეს და ხელისუფლების მიმართ კრიტიკული სიტყვის სივრცის შემცირებას.

EPP ყოველთვის იდგა საქართველოს დემოკრატიული გზის და ევროატლანტიკური მომავლის ავანგარდში. სამწუხაროა, რომ საქართველომ, ოდესღაც აღმოსავლეთ პარტნიორობის ლიდერმა, დაკარგა ძნელად მოპოვებული დემოკრატიული რწმუნებათა სიგელები და კვლავ აჩენს ეჭვებს მის ევროპულ მისწრაფებებთან დაკავშირებით. -  ნათქვამია განცხადებაში.

EPP მიხეილ სააკაშვილის სიცოცხლესა და ჯანმრთელობაზე სრულ პასუხისმგებლობას საქართვლოს ხელისუფლებას აკისრებს.

"EPP შეახსენებს საქართველოს ხელისუფლებას მათი სრული პასუხისმგებლობის შესახებ ყოფილი პრეზიდენტის სიცოცხლესა და ჯანმრთელობაზე. საქართველოს მთავრობის უარი ადამიანის ფუნდამენტურ უფლებებზე და სააკაშვილის ევროკავშირის წევრ ქვეყანაში ადეკვატური მკურნალობისა და რეაბილიტაციისთვის გადაყვანაზე - ასევე, უფრო ფართოდ, რადგან ხელისუფლების მიერ სასამართლო სისტემის იარაღად გამოყენება მისი პოლიტიკური ოპონენტების მიმართ - სერიოზულად ძირს უთხრის საქართველოს ევროინტეგრაციის პროცესს" , - ვკითხულობთ განცხადებაში.

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა