აქამდე მარგველაშვილი „ნაციონალური მოძრაობის“ რიგითი წევრი იყო. როდესაც რიგითი წევრობიდან თავმჯდომარე ხდები, ეს სერიოზული „დაწინაურება“, - ასე გამოეხმაურა „ქართული ოცნების“ თავმჯდომარე, ირაკლი კობახიძე გავრცელებულ ინფორმაციას, რომლის თანახმად, გიორგი მარგველაშვილი „ნაციონალური მოძრაობის“ თავმჯდომარე ხდება.

მისი თქმით, „ნაციონალური მოძრაობის“ ლიდერი მაინც მიხეილ სააკაშვილი იქნება.

„მარგველაშვილი და „ნაციონალური მოძრაობა“ ძალიან უხდებიან ერთმანეთს. მათი მორალური ფასეულობები თანხვედრაშია. შესაბამისად ლოგიკურია, რომ მარგველაშვილი „ნაციონალურ მოძრაობასთან“ კიდევ უფრო ახლოვდება. ეს არსი იმ წინააღმდეგობების გაგრძელებაა, რაც არის პარტიის შიგნით - არის სერიოზული კონფლიქტები. როდესაც პარტია სუსტდება, ასეთ დროს თავს იჩენს პარტიის შიგნით დაპირისპირებები. დიდი ხანია ვიცით, რომ სააკაშვილი ეჭვიანობს მელიაზე, მას სურს მისი თავიდან მოშორება, რომელიც ისედაც არის „ნაციონალური მოძრაობის“ ფორმალური თავმჯდომარე. ასეც და ისეც, რეალური ლიდერი ბუნებრივია არც მელია და არც მარგველაშვილი იქნება - ამ პარტიაში რეალური ლიდერი მაინც სააკაშვილი იქნება“, - განაცხადა ირაკლი კობახიძემ.

„რუსთავი 2-ის“ მიერ გავრცელებული ინფორმაციის თანახმად, საქართველოს ყოფილი პრეზიდენტი გიორგი მარგველაშვილი „ერთიანი ნაციონალური მოძრაობის“ თავმჯდომარე ხდება.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო