ძალიან სიმბოლური და მნიშვნელოვანია პრაქტიკული თვალსაზრისითაც, რომ დღეს პრემიერ-მინისტრი არის ირაკლი ღარიბაშვილი. ის ადამიანი, რომელიც პირველი ედგა გვერდით ბიძინა ივანიშვილს, რომელმაც დააფუძნა საზოგადოებრივი მოძრაობა, - ამის შესახებ პარტია „ქართული ოცნების“ თავმჯდომარემ, ირაკლი კობახიძემ გადაცემაში „იმედი LIVE“ განაცხადა.

მისი თქმით, „ქართული ოცნების“ გუნდი შედგება ისეთი ლიდერებისგან, რომლებსაც ზურგს უმაგრებს ღირებულებები, პრინციპები, გამოცდილება, განათლება.

„ბიძინა ივანიშვილის დამსახურებაა, რომ მან ისე დატოვა გუნდი, რომ ჩვენ გვქონდა სიმყარის ძალიან კარგი საფუძველი. რა თქმა უნდა, ყველამ კარგად გავიაზრეთ ერთი რამ, რომ ბიძინა ივანიშვილს ჰქონდა განსაკუთრებული პოლიტიკური რესურსი. სხვადასხვა მიზეზი ჰქონდა ამას იგივე ქველმოქმედება, იგივე მისი პოლიტიკური წარსული, 2012 წლის ბრძოლა და ა.შ. ასევე მისი განსაკუთრებული რესურსი, როგორც პოლიტიკოსის. ეს რესურსი რა თქმა უნდა, იყო განსაკუთრებული, გამორჩეული და შესაბამისად ჩვენ გვქონდა ძალიან დიდი დანაკლისი ყველა ამ თვალსაზრისით, როდესაც ბიძინა ივანიშვილი გავიდა პოლიტიკიდან. ერთადერთი რასაც შეეძლო ამ რესურსის ჩანაცვლება ერთ მუშტად გუნდის შეკვრა იყო, რაც ჩვენ მოვახერხეთ და მოვახერხეთ ძალიან მტკივნეული პროცესების გადალახვა. გახსოვთ, 17-18 თებერვლის ცნობილი მოვლენები, გუნდი მაშინ განსაკუთრებულად კონსოლიდირებული იყო და მოვახერხეთ იმ პრობლემის დაძლევა, რაც ძალიან სერიოზული გამოწვევა იყო მაშინ ჩვენი პოლიტიკური პარტიისთვის. დღეს ჩვენი ერთ-ერთი მთავარი სიძლიერე მდგომარეობს იმაში, რომ გუნდი არის ძლიერი და ერთ მუშტად შეკრული. ძალიან სიმბოლური და მნიშვნელოვანია პრაქტიკული თვალსაზრისითაც, რომ დღეს პრემიერ-მინისტრი არის ირაკლი ღარიბაშვილი. ის ადამიანი, რომელიც პირველი ედგა გვერდით ბიძინა ივანიშვილს, რომელმაც დააფუძნა საზოგადოებრივი მოძრაობა. რა თქმა უნდა, ჩვენ ლიდერებს შორის არიან ადამიანები, რომლებსაც აქვთ განსაკუთრებული რესურსი და კიდევ ერთხელ გავიმეორებ, რომ არა გუნდურობა, რა თქმა უნდა, ეს რესურსიც არ იქნებოდა ისეთი ეფექტიანი“, - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო