2022-04-15 18:25:31, 1572 ნახვა

---

იუსტიციის მინისტრმა და გაერო-ს ლტოლვილთა უმაღლესი კომისრის წარმომადგენელმა საქართველოში სამომავლო თანამშრომლობის გაფართოების პერსპექტივები განიხილეს

იუსტიციის მინისტრმა  და გაერო-ს ლტოლვილთა უმაღლესი კომისრის წარმომადგენელმა საქართველოში სამომავლო თანამშრომლობის გაფართოების პერსპექტივები განიხილეს
რატი ბრეგაძემ კემლინ ფურლის იუსტიციის სამინისტროს შეხვედრების ოთახ „გაგრაში" უმასპინძლა.

შეხვედრაზე აღინიშნა, რომ გაერო-ს წევრ სახელმწიფოებს შორის საქართველო მოწინავე ქვეყანაა მოქალაქეობის არმქონე პირების შემცირებისათვის და მოქალაქეობის არმქონეობის პრევენციის მიზნით გატარებული ღონისძიებების ეფექტიანობით. საუბარი შეეხო მოქალაქეობის არმქონე/უდოკუმენტო პირთა იდენტიფიცირებისა და დოკუმენტირების საინფორმაციო კამპანიას, რომელსაც იუსტიციის სამინისტროს სახელმწიფო სერვისების განვითარების სააგენტო UNHCR-თან თანამშრომლობით ახორციელებს. კამპანიის მიზანი ქვეყანაში უდოკუმენტო მოქალაქეების არსებობის აღმოფხვრაა. ამ მიმამართულებით UNHCR-სა და სახელმწიფო სერვისების განვითარების სააგენტოს შორის თანამშრომლობის შესახებ შეთანხმებაც გაფორმდა.

მხარეებმა სამომავლო თანამშრომლობის გაფართოების პერსპექტივებიც განიხილეს.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი