ოკუპირებული სამხრეთ ოსეთის ე.წ პრეზიდენტმა, ანატოლი ბიბილოვმა განაცხადა, რომ სამხრეთ ოსეთში შესაძლოა ორი რეფერენდუმი გაიმართოს. ამის შესახებ მან რუსულ მედიასთან საუბრისას აღნიშნა.

როგორც ბიბილოვი აღნიშნავს, პირელი რეფერენდუმი იქნება რუსეთის ფედერაციის გაერთიანების და პირველივე რეფერენდუმის „დადებითად“ დასრულების შემთხვევაში, შესაძლოა ჩატარდეს ჩრდილოეთ ოსეთთან გაერთიანების რეფერენდუმიც.

„როცა სამხრეთ ოსეთი იქნება რუსეთის ფედერაციის შემადგენლობაში, მაშინ უნდა წარიმართოს ოსეთის გაერთიანების პროცესი და მაშინ უკვე უნდა იყოს ორი რეფერენდუმი, რუსეთის ორ ობიექტში“, - განაცხადა ბიბილოვმა.

შეგახსენებთ, რომ  სამხრეთ ოსეთის ე.წ რესპუბლიკის დე-ფაქტო პრეზიდენტმა, ანატოლი ბიბილოვმა განახადა, რომ ქვეყანა უახლოეს მომავალში გადადგამს სამართლებრივ ნაბიჯებს რუსეთის ფედერაციის შემადგენლობაში შესვლასთან დაკავშირებით. 

მოგვიანებით,  სათათბიროს, ევაზიულ ინტეგრაციასა და თანამემამულეებთან ურთიერთობის კომიტეტის თავმჯდომარის პირველმა მოადგილემ, ვიქტორ ვოდოლაცკიმ განაცხადა, რომ რეფერენდუმი, რომელზეც ოკუპირებული სამხრეთ ოსეთის მოსახლეობა რუსეთთან შეერთების საკითხზე იმსჯელებს, შესაძლოა მაის-ივნისში ჩატარდეს.

ავტორი: ექსპრესნიუსი,

სოციალური ქსელები

მზეს ვერ დაემალები - PSP-ს საზაფხულო კამპანია მზისგან დაცვის აუცილებლობას გვახსენებს

კიევსა და მიმდებარე ტერიტორიაზე დაღუპულთა რიცხვი გაიზარდა

ლიბერთიმ 2026 წლის I ნახევარი სტაბილური ზრდითა და ძლიერი ფინანსური შედეგებით დაასრულა

ბაზისბანკი 2026 წლის 6 თვის ფინანსური შედეგებით მომგებიანი ბანკების სამეულშია