შინაგან საქმეთა სამინისტრო - საქართველოს მასშტაბით ხანძრები ლიკვიდირებულია და კონტროლს ექვემდებარება

2020-03-11 12:08:07, 2462 ნახვა

პოლიტიკა

შინაგან საქმეთა სამინისტროს საგანგებო სიტუაციების მართვის სამსახური საქართველოს მასშტაბით გავრცელებულ ხანძართან დაკავშირებით განცხადებას აქვეყნებს

ამ დროისთვის ხანძრები ლიკვიდირებულია: სამეგრელო - წალენჯიხის მუნიციპალიტეტში: სოფელები ზღვაია, ნაკუფუ, ზუგდიდის მუნიციპალიტეტში: ზემო ეწერი, ჩხოროწყუს 7 სოფელში, მარტვილში სოფელი ლესიჭინე, გურიაში - ოზურგეთის მუნიციპალიტეტი სოფელი ვაკიჯვარი. ასევე ლიკვიდაციაა სოფელ მამათში, აჭარა - ქობულეთში, იმერეთში - ხონში, ტყიბულში, კოპიტნარსა და საჩხერეში, კახეთში - გომბორის უღელტეხილზე.

ხანძარი ლოკალიზებულია, ღია კერები აღარ არის და კონტროლს ექვედებარება: სამეგრელოში - წალენჯიხის მუნიციპალიტეტი სოფელი ჩქვალერი, გურიაში - ოზურგეთის მუნიციპალიტეტი სოფელი გომი. რაჭაში - ამბროლაურის მუნიციპალიტეტი სოფელი კრიხი. ონის მუნიციპალიტეტი სოფელი ძეგლევი, ქვემო ქართლში - დედოფლისწყარო. ღია კერა შენარჩუნებულია: აჭარაში - ხელვაჩაურის მუნიციპალიტეტი სოფელი ზედე ჯოჭო. იწვის შერეული ტყის ქვედა საფარი. მობილიზებულია 50-მდე მეხანძრე-მაშველი და 4 სახანძრო-სამაშველო ტექნიკა.

ბოლო 4 დღეში, მთელი საქართველოს მასშტაბის მობილიზებული იყო 1000 მეხანძრე-მაშველი, ათეულობით სახანძრო-სამაშველო ტექნიკა, სასაზღვრო პოლიციის 4 ვერტმფრენი, რომლებმაც ჯამში 318 დასხმა განახორციელეს.
ცალკეულ შემთხვევებში მეხანძრე-მაშველებს ეხმარებოდნენ მოხალისეები, ასევე გარემოს დაცვისა და სოფლის მეურნეობის სამინისტროს, ეროვნული სატყეო სააგენტოს მეტყევეები და დაცული ტერიტორიების სააგენტოს რეინჯერები.

ამ დროისთვის საქართველოს მასშტაბით სიტუაცია კონტროლს სრულად ექვემდებარება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,