"ქვეყნის მშვიდი განვითარებისთვის ერთადერთი გზაა ივანიშვილის მიერ დაპირებული საკონსტიტუციო ცვლილებების შესრულება", - ამის შესახებ ფრაქცია "ნაციონალური მოძრაობის" წევრმა სალომე სამადაშვილმა ჟურნალისტებს განუცხადა. 

მისი თქმით, ხელისუფლებას ავიწყდება, რომ პროპორციული საარცევნო სისტემის მოთხოვნის ინიციატორი საზოგადოებაა, რაც კიდევ ერთხელ დაადასტურა ჩატარებულმა კვლევებმა. 

„ვფიქრობ, რომ ხელისუფლებას ავიწყდება, რომ მართალია, მოლაპარაკებებს აწარმოებს ოპოზიციასთან, მაგრამ მოთხოვნა პროპორციულ საარჩევნო სისტემაზე გადასვლასთან დაკავშირებით არის საზოგადოების მოთხოვნა და ეს კიდევ ერთხელ დადასტურდა კვლევებით, რომ მოსახლეობის უმეტესობას სურს აირჩიოს პარლამენტი პირდაპირი პროპორციული წესით. შესაბამისად, თუ დათმობაზე არ წავა ხელისუფლება, ის კიდევ უფრო გააღრმავებს საზოგადოებასთან კონფლიქტს, რომელიც უკვე არსებობს. „ქართულ ოცნებას" და ბიძინა ივანიშვილს და საქართველოს მოქალაქეებს სხვადასხვანაირად ესახებათ ქვეყნის მომავალი. რაც უფრო დაუპირისპირდება საზოგადოების მოთხოვნას ბიძინა ივანიშვილი და მისი ხელისუფლება, მით უფრო გაღრმავდება კონფლიქტი. დღეს ხელისუფლებას დარჩა ერთადერთი გზა იმისთვის, რომ ქვეყანამ გააგრძელოს მშვიდად განვითარება და ჩვენ მშვიდად ჩავატაროთ შემდეგი არჩევნები. ეს არის დათმობა და დაბრუნება იმ საკონსტიტუციო ცვლილების, რომელსაც ბიძინა ივანიშვილი დაპირდა ქართველ ხალხს და ქართველ ამომრჩეველს", - განაცხადა სალომე სამადაშვილმა. 

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო