„ფეისბუქი“ არის თავისუფალი სივრცე, ვერც „ნაციონალური მოძრაობა“ და ვერც მისი დანაყოფები ვერ შეზღუდავს“, - ასე უპასუხა დედაქალაქის მერმა, კახა კალაძემ ჟურნალისტის კითხვას, უნდა დაიწყოს თუ არა გამოძიება „ფეისბუქის“ მიერ ხელისუფლებასთან კავშირში მყოფი ასობით ყალბი გვერდისა და ანგარიშის გაუქმებაზე.

მერის თქმით, ყველაზე მეტი „ტროლი“ და „ბოტი“ „ნაციონალური მოძრაობა“ და მისი შენაერთებია.

„რისი გამოძიება უნდა დაიწყოს, ცენზურას ვუწესებთ „ფეისბუქს“? „ფეისბუქი“ არის თავისუფალი სივრცე ნებისმიერ ადამიანს შეუძლია, გამოხატოს თავისი შეხედულება ამა თუ იმ ფორმით. „ფეისბუქი“ არის თავისუფალი სივრცე, ვერც „ნაციონალური მოძრაობა“ და ვერც მისი დანაყოფები ვერ შეზღუდავს, თუმცა ყველაზე მეტი ტროლი, ბოტი ეს არის „ნაციონალური მოძრაობა“ და მისი შენაერთებია“, – განაცხადა კახა კალაძემ.

შეგახსენებთ, რომ Facebook-მა „ქართულ ოცნებასთან“ დაკავშირებული ასობით გვერდი, ჯგუფები და ყალბი ანგარიშები წაშალა, რომლებიც  პროსახელისუფლებო, ანტიოპოზიციურ და ანტიდასავლურ კამპანიაში იყვნენ ჩართულნი. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო