„საქართველოში 2020 წლისთვის თურქეთის პრეზიდენტის, რეჯეფ თაიფ ერდოღანის ვიზიტი იგეგმება“, – ამის შესახებ, საქართველოს საგანგებო და სრულუფლებიანმა ელჩმა თურქეთში,გიორგი ჯანჯღავამ განაცხადა.

მისივე თქმით, ერდოღანის საქართველოში ვიზიტი გაზაფხულისთვის არის დაგეგმილი.

ამასთან, როგორც ელჩი ამბობს, 2020 წლის თებერვალში ანკარაში სტრატეგიული კომისიის სხდომა გაიმართება.

„ანკარაში რამდენიმე კვირის წინ გაიმართა ჩვენი პრემიერ-მინისტრის გიორგი გახარიას ვიზიტი, რასაც მოჰყვა ეკონომიკური კომისია, რომელიც 14 წლის პაუზის შემდეგ პირველად შედგა. ამას მოჰყვა პრემიერის განმეორებითი ვიზიტი ტანაპის გახსნასთან დაკავშირებით ქალაქ ედირლეში.

ჩვენ მოვილაპარაკეთ თურქულ მხარესთან, სავარაუდოდ თებერვლის თვეში იქნება სტრატეგიული კომისიის სხდომა ანკარაში დანიშნული და შემდგომ სავარაუდოდ მაისის თვეში პრეზიდენტი ერდოღანი ეწვევა საქართველოს. მოლაპარაკებები მიმდინარეობს“, - განაცხადა გიორგი ჯანჯღავამ.

ავტორი: ექსპრესნიუსი,

სოციალური ქსელები

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო

კალაძე აშშ-ის საელჩოს განცხადებაზე: სიტყვისა და გამოხატვის თავისუფლება არ ნიშნავს გინებას და შეურაცხყოფის მიყენებას

საქართველოს ბანკის საერთაშორისო სასტიპენდიო პროგრამებზე მიღება გრძელდება

სეს: 2 ტონამდე ჯანმრთელობისთვის საშიში ხორცის რეალიზაციის მცდელობა აღვკვეთეთ