„2020 წლის საპარლამენტო არჩევნები ჩატარდება 3 %-იანი ბარიერით, ბლოკებით, რაც ნიშნავს პროპორციულ და მაჟორიტარული მექანიზმების გამოყენებას“, - ამის შესახებ პარლამენტის თავმჯდომარემ, არჩილ თალაკვაძემ კანონპროექტზე კენჭისყრის დასრულების შემდეგ განაცხადა.

მისი თქმით, კანონპროექტს უმრავლესობის ბევრმა დეპუტატმა და ოპოზიციის დეპუტატებმა დაუჭირეს მხარი, თუმცა ეს საკმარისი არ აღმოჩნდა.

„2020 წლის არჩევნების პროპორციული წესით ჩატარებასთან დაკავშირებით დღეს შედგა პარლამენტში კენჭისყრა და მიუხედავად იმისა, რომ უმრავლესობის ბევრმა დეპუტატმა მხარი დავუჭირეთ, ასევე ოპოზიციის წევრებმა მხარი დაუჭირეს ამ ინიციატივას, ხმები არ აღმოჩნდა საკმარისი, შესაბამისად გადაწყვეტილება პარლმანეტის მიერ არ არის მიღებული, რაც ნიშნავს იმას, რომ 2020 წლის საპარლამენტო არჩევნები ჩატარდება 3 %-იანი ბარიერით, ბლოკებით,შერეული სიტემით, რაც ნიშნავს პროპორციულ და მაჟორიტარული მექანიზმების გამოყენებას 2020 წლის არჩევნებში. ეს გადაწყვეტილება მიიღო საქართველოს პარლმანეტმა . კენჭისყრის შედეგები არის საჯაროდ ხელმისაწვდომი საზოგადოებისთვის. ---- ბატონი ბიძინა ივანიშვილი გამოვიდა ამ ინიციატივით , მან ყვეაფერი გააკეთა იმისათვის რომ ყოფილიყო ხმების საკმრისი მობილიზაცია“, - განაცხადა არჩილ თალაკვაძემ.

შეგახსენებთ, პარლამენტმა საკონსტიტუციო ცვლილებების კანონპროექტს, რომელიც პროპორციულ საარჩევნო სისტემაზე გადასვლას ითვალისწინებს, პირველი მოსმენით მხარი არ დაუჭირა.

კანონპროექტის მისაღებად სულ მცირე 113 დეპუტატის მხარდაჭერა იყო საჭირო, თუმცა მას მხარი 101 დეპუტატმა დაუჭირა, 3 კი, წინააღმდეგი იყო. 

ავტორი: ექსპრესნიუსი,

სოციალური ქსელები

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ

ზელენსკი პუტინს ფრონტის ხაზზე მოქმედების შეჩერებას და საჰაერო ზავის შეთანხმების გაფორმებას სთავაზობს