2019-11-11 14:06:09, 1466 ნახვა

---

დარგობრივი ეკონომიკისა და ეკონომიკური პოლიტიკის კომიტეტმა თავმჯდომარის პირველ მოადგილედ ირაკლი მეზურნიშვილი აირჩია

რუსთავის მაჟორიტარმა დეპუტატმა გიორგი ბეგაძემ პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის პირველი მოადგილის პოსტი, საკუთარი განცხადების საფუძველზე დატოვა. ბეგაძის გადაწყვეტილება პარლამენტმა ცნობად მიიღო, მის შემცვლელად კი კომიტეტის თავმჯდომარე რომან კაკულიამ ირაკლი მეზურნიშვილის კანდიდატურა წარადგინა.

„გვქონდა მსჯელობა გუნდის შიგნით და შევჯერდით ირაკლი მეზურნიშვილის კანდიდატურაზე. გვქონდა კონსულტაციები, ვისაუბრეთ სამომავლო გეგმებზე - რა გაკეთდა ამ გნის განმავლობაში, რა არის დარჩენილი, გასაკეთებელი კომიტეტის შიგნით“, - განაცხადა კომიტეტის თავმჯდომარემ რომან კაკულიამ.

ირაკლი მეზურნიშვილი დღემდე დარგობრივი ეკონომიკისა და ეკონომიკური პოლიტიკის კომიტეტის წევრი იყო.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი