2019-11-04 16:09:37, 1411 ნახვა

---

მოსამართლეობის კანდიდატი ნინო ქადაგიძე ბიძინა ივანიშვილის მოსაზრებას ქართული სუფრის შესახებ არ ეთანხმება

სასამართლოს მოსამართლეობის კანდიდატი ნინო ქადაგიძე ქართული სუფრის შესახებ ბიძინა ივანიშვილის მოსაზრებას არ ეთანხმება.

კერძოდ, ქადაგიძეს ფრაქცია „ნაციონალური მოძრაობის“ თავმჯდომარემ, რომან გოცირიძემ ჰკითხა, თუ ვის ეკუთვნის ეს „ღრმააზროვანი სიტყვები“: ”ჩვენი ცივილიზაციის ყველაზე დიდი მიღწევა არა კოსმოსური ხომალდები და დიდი გამოგონებები, არამედ ქართული სუფრაა“, რაზეც მოსამართლეობის კანდიდატმა უპასუხა, რომ არ იცის და ვერაფერს იტყვის.

ამის შემდეგ, გოცირიძემ ქადაგიძეს ჰკითხა, ეთანხმება თუ არა მოსაზრებას, რომ ქართული სუფრა ცივილიზაციის უფრო დიდი მონაპოვარია, ვიდრე მაგალითად, ინტერნეტი, რაზეც ქადაგიძემ უპასუხა, რომ ამ მოსაზრებას არ ეთანხმება.

დეპუტატმა მოსამართლეობის კანდიდატს კიდევ ერთხელ მიმართა და აღნიშნა, რომ „მან შეიძლება ინანოს, ამ სიტყვებს რომ არ დაეთანხმა, რადგან მისი ავტორი ბიძინა ივანიშვილია“. საპასუხოდ, ქადაგიძემ აღნიშნა, რომ „მაინც თავის აზრზე რჩება“.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი