რომ არ მოსულიყო ბატონი ივანიშვილი, რომ არ მოსულიყო ჩვენი ხელისუფლება, ჩვენს ქვეყანას დღეს არავითარი შანსი არ ექნებოდა არათუ ევროკავშირში ინტეგრაციის, - ამის შესახებ პრემიერ-მინისტრმა ირაკლი ღარიბაშვილმა პარლამენტში ინტერპელაციის წესით გამოსვლისას განაცხადა. 

მისივე თქმით, ოპოზიციამ, მიხეილ სააკაშვილის დროს, დაკარგა ტერიტორიები, დააბრუნა რუსული ჯარი და ომის შემდეგ, რუს მოქალაქეებს უვიზო რეჟიმი გაუხსნა. 

"რომ არ მოსულიყო ბატონი ივანიშვილი, რომ არ მოსულიყო ჩვენი ხელისუფლება, ჩვენ, ძვირფასი მეგობრები, ჩვენს ქვეყანას დღეს არავითარი შანსი არ ექნებოდა არათუ ევროკავშირში ინტეგრაციის, ქვეყანა აღარ გვექნებოდა. რა მაძლევს ამის თქმის საშუალებას და უფლებას – უფლებას მაძლევს თქვენი გაუგონარი, ანტისახელმწიფოებრივი პოლიტიკა, რომელსაც თქვენ ხელისუფლებაში ყოფნის დროს ეწეოდით. სააკაშვილის დროს თქვენ დაკარგეთ ტერიტორიები, დააბრუნეთ რუსული ჯარი. ომის შემდეგ თქვენ არათუ სანქციების დაწესებაზე გიფიქრიათ და გიმუშავიათ, დღეს რომ გამოდიხართ დიდი პატრიოტები და მელაპარაკებით უკრაინაში ომის გამო რუსეთის წინააღმდეგ სანქციებს შევუერთდეთ, თქვენ არათუ სანქციებზე ელაპარაკეთ ჩვენს პარტნიორებს, არამედ ომის შემდეგ თქვენ გახსენით უვიზო რეჟიმი რუსი მოქალაქეებისთვის და მიყიდეთ სტრატეგიული ობიექტები რუსეთს, რუსულ სახელმწიფო კომპანიებს",- განაცხადა ღარიბაშვილმა. 

ავტორი: ექსპრესნიუსი,

სოციალური ქსელები

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო

კალაძე აშშ-ის საელჩოს განცხადებაზე: სიტყვისა და გამოხატვის თავისუფლება არ ნიშნავს გინებას და შეურაცხყოფის მიყენებას

საქართველოს ბანკის საერთაშორისო სასტიპენდიო პროგრამებზე მიღება გრძელდება

სეს: 2 ტონამდე ჯანმრთელობისთვის საშიში ხორცის რეალიზაციის მცდელობა აღვკვეთეთ