„თავისუფლება ნიკას“- ამ წარწერით გადმოკიდეს ბანერი კრიტიკული მედიის წარმომადგენლება პარლამენტის სასესიო სხდომათა დარბაზში პრემიერ-მინისტრის გამოსვლის დროს.

მედიის წარმომადგენლება, „მთავარი არხის“ ნიკა გვარამიას დაკავება გააპროტესტეს, რასაც ასევე პარლამენტის თავმჯდომარე შალვა პაპუაშვილი გამოეხმაურა.

„მოგმართავთ ჟურნალისტებს, რომლებმაც ლოჟიდან გამოფინეთ ბანერი, ჟურნალისტებო, ის ლოჟა სადაც თქვენ იმყოფებით, განკუთვნილია იმისთვის, რომ იქიდან აწარმოოთ ჟურნალისტური საქმიანობა, ამ ქმედებით თქვენ სინამდვილეში გადმოფინეთ ის პრობლემა, რომელიც სამწუხაროდ, ჩვენი მედიის ნაწილია. ჟურნალისტების ნაწილი

იმის ნაცვლად, რომ აშუქებდეს ახალ ამბებს, თავად არის ახალი ამბების შემქმნელი და სწორედ ამით ხართ ახლა დაკავებული. შესაბამისად ამ შემთხვევაში ჟურნალისტების ლოჟით სარგებლობთ არა იმ პროფესიული დანიშნულებით, რომლისთვისაც ეს არის გამოყოფილი“,- განუცხადა პაპუაშვილმა ჟურნალისტებს.

შეგახსენებთ, რომ 16 მაისს თბილისის საქალაქო სასამართლომ „მთავარი არხის“ გენერალურ დირექტორს ნიკა გვარამიას 3 წლითა და 6 თვით პატიმრობა შეუფარდა.

ავტორი: ექსპრესნიუსი,

სოციალური ქსელები

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო

კალაძე აშშ-ის საელჩოს განცხადებაზე: სიტყვისა და გამოხატვის თავისუფლება არ ნიშნავს გინებას და შეურაცხყოფის მიყენებას

საქართველოს ბანკის საერთაშორისო სასტიპენდიო პროგრამებზე მიღება გრძელდება

სეს: 2 ტონამდე ჯანმრთელობისთვის საშიში ხორცის რეალიზაციის მცდელობა აღვკვეთეთ