გავლენიანი "რესპუბლიკელი" კონგრესმენი, საქართველო აშშ-ს მეგობრობის ჯგუფის ხელმძღვანელი ადამ კიზინგერის აზრით, რუსეთის თერმობარული იარაღი NATO-მ უნდა გაანადგუროს.
“რუსეთის თერმობარული იარაღი NATO-მ უნდა გაანადგუროს. ისინი ბარბაროსები არიან. სირცხვილია ჩვენთვის, რომ ასე უბრალოდ ვუყურებთ მათ გამოყენებას. კიდევ რამდენი ადამიანი უნდა მოკვდეს, ფილტვები აუფეთქდეს, სანამ ჩვენ შიშს დავძლევთ? ძველი თაობის ცივი ომის დროინდელი მოლაპარაკე თავები ცდებიან” -
წერს ტვიტერზე რესპუბლიკელი კონგრესმენი, ადამ კინზინგერი.
რუსებმა უკრაინაში, სუმის რეგიონის ქალაქ ოხტირკაში ჟენევის კონვენციით აკრძალული ვაკუუმური ბომბები ჩამოაგდეს,– იუწყება ოხტირკის მერი პავლო კუზმენკოვი.

"მტერი აწარმოებს საზიზღარ ომს. ვაკუუმური ბომბი კვლავ ჩამოაგდეს ოხტირკაში, ააფეთქეს ნავთობის ავზები", - წერს ის Facebook-ზე.

ე.წ. ვაკუუმის ბომბების გამშვები რუსული რეაქტიული სისტემები TOS-1 და TOS-1A CNN-ის გადამღებმა ჯგუფმა ბელგოროდის სამხრეთით (რუსეთი, უკრაინის საზღვართან) აღმოაჩინა და იუწყებოდა ამის შესახებ.
თერმობარული (ვაკუუმური) იარაღი ისეთი ტიპის ფეთქებადი მასალაა, რომელიც ძლიერი, მაღალი ტემპერატურის აფეთქებას, გარემოში არსებული ჟანგბადის გამოყენებით აღწევს. ასეთი ფეთქებადი მასალით შექმნილი დარტყმითი ტალღა, ჩვეულებრივი მასალით გამოწვეულ დარტყმით ტალღასთან შედარებით, მნიშვნელოვნად უფრო ხანგრძლივია.

ავტორი: ექსპრესნიუსი,

სოციალური ქსელები

ტრამპის ადმინისტრაციამ იმპორტიორებს მიერ უკანონო ტარიფების სახით გადახდილი 100 მილიარდი დოლარი დაუბრუნა

ტულას რეგიონში Wildberries-ის ლოჯისტიკური ცენტრზე დრონის თავდასხმის შემდეგ ხანძარი გაჩნდა

კიევის ოლქზე რუსეთის მასშტაბური დარტყმის შედეგად თოთხმეტი ადამიანი დაიღუპა და 27 დაშავდა

რუსეთის ერთ-ერთმა უმსხვილესმა სატრანსპორტო კომპანიამ შავი ზღვის გავლით ტვირთების გადაზიდვაზე უარი თქვა