2021-03-14 15:37:13, 480 ნახვა

---

გიგა ბოკერია - ჩვენი პოლიტიკური გუნდის მიზანია, მივაღწიოთ კომპრომისს, რომელიც ქვეყანას კრიზისიდან გამოიყვანს

„ევროპული საქართველოს“ ლიდერი გიგა ბოკერია აცხადებს, რომ მისი პოლიტიკური გუნდის მთავარი მიზანია მიაღწიონ კომპრომისს, რომელიც ქვეყანას შექმნილი კრიზისიდან გამოიყვანს.

მისივე თქმით, მიმდინარეობს მოლაპარაკებები, რომლის მთავარი მიზანი შარლ მიშელის 6 პუნქტიანი გეგმის შესრულებაა.

„ძალიან მნიშვნელოვანი პროცესი მიდის და ჩვენი მთლიანი პოლიტიკური გუნდის, „ევროპული საქართველოს“ მიზანია მივაღწიოთ იმ კომპრომისს, რომელიც ქვეყანას კრიზისიდან გამოიყვანს. ჯერ მოლაპარაკებები არ დაგვისრულებია და ჩვენი სურვილია, რაც შეიძლება მალე განვახორციელოთ ის პუნქტები, რომელიც შარლ მიშელმა მოხაზა.

რაც შეეხება მოლაპარაკების დეტალებს ამ საკითხებზე ვერ ვისაუბრებ“, - აცხადებს გიგა ბოკერია.

შეგახსენებთ, რომ ოპოზიციონერი ლიდერები ევროპული საბჭოს წარმომადგენელს კრისტიან დანიელსონს შეხვდნენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი