2021-03-13 15:17:44, 809 ნახვა

---

მამუკა მდინარაძე - ნიკა მელიას საქმეზე არათუ სასამართლო პროცესის მიმდინარეობისას, არამედ წინა დღეებშიც ვმსჯელობდით

„უფრო მეტი აღიარება და სკანდალურობა მინდა შევძინო ამ ყველაფერს - არათუ სასამართლო პროცესის მიმდინარეობისას, არამედ წინა დღეების განმავლობაშიც კი ვმსჯელობდით ნიკა მელიას საქმეზე“, - ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.

როგორც მდინარაძე ამბობს, სასამართლოს აღსრულების საკითხზე მსჯელობა როგორც პოლიტსაბჭოზე ასევე უმრავლესობის სხდომაზეც მიმდინარეობდა.

„უფრო მეტი აღიარება და სკანდალურობა მინდა შევძინო ამ ყველაფერს - არათუ იმ დროს, როცა სასამართლო პროცესი მიმდინარეობდა, არამედ წინა დღეების განმავლობაშიც კი ვმსჯელობდით ამაზე. იყო ორი ვერსია - სასამართლო პროკურატურის მიმართვას ან დააკმაყოფილებდა, ან არა. ერთ-ერთი ვერსიის აღსრულებაზე ვმსჯელობდით. პოლიტსაბჭოზე კი არა უმრავლესობის სხდომაზეც გვქონდა დღეებით ადრე ამაზე საუბარი და ეს სკანდალური აღიარება მინდა დავამატო“, - განაცხადა მამუკა მდინარაძე.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი