პოლიტიკური პარტია „ლელო“ პარლამენტში შესვლაზე უარს ამბობს, - ამის შესახებ პარტიის ერთ-ერთმა ლიდერმა,  ბადრი ჯაფარიძემ ბრიფინგზე განაცხადა.

მისი თქმით, 31 ოქტომბრის საპარლამენტო არჩევნები გაყალბებულია და ლეგიტიმურად არ ცნობენ.

„ჩვენ ვთვლით, რომ არჩევნები არის არალეგიტიმური. ის არის გაყალბებული, არ ასახავს ქართველი ხალხის ნებას. შესაბამისად, დღეს იმსჯელა "ლელოს" პოლიტსაბჭომ და "ლელო" არ აპირებს შევიდეს ამ პარლამენტში. ჩვენ არ ვაპირებთ არალეგიტიმურად არჩეული პარლამენტის ლეგიტიმიზაციას. ჩვენ გავაგრძელებთ ბრძოლას იმისათვის, რომ საქართველოში ჩატარდეს ნამდვილად თავისუფალი და დემოკრატიული არჩევნები, რომლის შედეგებიც მართლაც ასახავს ქართველი ხალხის ნებას. ეს არის ჩვენი გადაწყვეტილება.

ძალიან გვიხარია, რომ ოპოზიციური სპექტრი მთლიანად იზიარებს ამ პოზიციას. ჩვენ ოპოზიციურ პარტიებთან ერთად გავაგრძელებთ საპროტესტო აქციებს იმისათვის, რომ ერთხელ და სამუდამოდ დამთავრდეს ჩვენს ქვეყანაში გაყალბებული არჩევნები ჩატარება და მივიღოთ ნამდვილად ობიექტური, თავისუფალ გარემოში ჩატარებული არჩევნები. ჩვენი მიზანია, დაინიშნოს ახალი არჩევნები, რომლის შედეგებიც არ გამოიწვევს არანაირ კითხვის ნიშანს“, - განაცხადა ბადრი ჯაფარიძემ.

ავტორი: ექსპრესნიუსი,

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.