2020-06-23 12:51:06, 1908 ნახვა

---

ხუნდაძე საკონსტიტუციო ცვლილებებზე - „ევროპულ საქართველოს“ ჰქონდა მცდელობა, გადამრჩენლის როლში ყოფილიყო, მაგრამ ხმები მათ გარეშეც საკმარისია

„ქართული ოცნების“ მაჟორიტარი დეპუტატის, დიმიტრი ხუნდაძის განცხადებით, საკონსტიტუციო ცვლილებების პირველ მოსმენაზე „ევროპულ საქართველოს“ ჰქონდა მცდელობა, რომ გადამრჩენლის როლში ყოფილიყო.

მისი თქმით, ცვლილებების მისაღებად ხმები მათ გარეშეც საკმარისია.

„საკონსტიტუციო ცვლილებას ექნება იმდენი ხმა, რაც დააფიქსირებს მის მესამე მოსმენისთვის მომზადებას ისე, რომ საკმარისი ხმები იქნება. ოპოზიციას და განსაკუთრებით „ევროპულ საქართველოს“ ჰქონდა მცდელობა, რომ გადამრჩენლის როლში ყოფილიყო, თითქოს ხმები არ იყო საკმარისი და მათი დარბაზში ყოფნით გადარჩებოდა ეს კანონპროექტი. ეს ასე არ აღმოცნდა, რადგან საკმარისია ხმები მათ გარეშეც. ამიტომ, მე ვფიქრობ, რომ თუკი ისინი მიიღებენ მონაწილეობას მათთვის არის უკეთესი, მაგრამ თვითონ კანონპროექტს ექნება მათ გარეშეც მხარდაჭერა“, - განაცხადა დიმიტრი ხუნდაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი