„როდესაც ოპოზიცია საუბრობს ცვლილებების ჩაგდებაზე, ბუნებრივია ეს არის მუქარა საზოგადოების მიმართ და ეს მუქარა არ არის სწორი“, - ამის შესახებ ტელეკომპანია „რუსთავი-2“-ის ეთერში საპარლამენტო უმრავლესობის წევრმა ირაკლი კობახიძემ განაცხადა.

კობახიძემ ხაზგასმით აღნიშნა, რომ საკონსტიტუციო ცვლილებების ჩავარდნა ოპოზიციის პასუხისმგებლობა იქნება, თუმცა ამით პოლიტიკურ და საარჩევნო პროცესში რადიკალური ცვლილება არ მოხდება.

მისი თქმით, ხელისუფლებისთვის პრინციპულად მნიშნელოვანია, რომ ოპოზიციამაც შეასრულოს ის ვალდებულება, რომელიც ხელშეკრულებაშია ჩადებული.

„მათემატიკურად რომ გავყვეთ, ნაცმოძრაობას და მის განშტოებას ჯამში აქვთ 27 ხმა პარლამენტში. 113 ხმა არის საჭირო ამისთვის და მათემატიკურად თუ გავყვებით, შეიძლება არც ჩავარდეს, მაგრამ ჩვენთვის პრინციპულად მნიშვნელოვანია, რომ მათაც შეასრულონ ის ვალდებულება, რომელიც არის ჩადებული ჩვენს მიერ გაფორმებულ შეთანხმებაში და მათ ხელი აქვთ მოწერილი ძალიან მკაფიოდ შეთანხმებაზე, რომის მიხედვითაც მათ მხარი უნდა დაუჭირონ იმ საარჩევნო სისტემას, რომელიც არის ასახული ამ შეთანხმებაში. აქედან გამომდინარე, ეს არის მათი პასუხისმგებლობა“, - განაცხადა ირაკლი კობახიძემ.​

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო