ხვალიდან ბათუმსა და ქუთაისში გადაადგილებაზე შეზღუდვები მოიხსნება

2020-05-04 11:31:49, 22709 ნახვა

პოლიტიკა

პრემიერ-მინისტრის, გიორგი გახარიას განცხადებით, ბათუმსა და ქუთაისში გადაადგილების შესახებ ყველა სახის შეზღუდვა მოიხსნება.

„რამდენიმე კვირის წინ ჩვენ მივიღეთ იძულებითი ღონისძიება, რომ ჩაგვეკეტა გარკვეული მსხვილი ქალაქები და დღეს შეგვიძლია ვთქვათ, რომ ისეთ ქალაქებზე როგორიცაა ბათუმი და ქუთაისი, ყველა სახის შეზღუდევბი გადაადგილებებზე მოიხსნება", - განაცხადა გიორგი გახარიამ.

მანევე განმარტა, რომ თბილისზე და რუსთავზე დარჩება გარკვეული შეზღუდვები, თუმცა შესაძლებელია კვირის ბოლომდე ამ ქალაქების გახსნის საკითხიც დადებითად გადაწყდეს.

„თბილისზე და რუსთავზე დარჩება გარკვეული შეზღუდვები და ეს პირდაპირ არის დაკავშირებული მომიჯნავე რაიონებში ეპიდემიოლოგიურ მდგომარეობასთან, თუმცა, თბილისშიც და რუსთავშიც უახლოეს დღეებში ეპიდემილოგიური სიტუაციიდან გამომდინარე შესაბამისი გადაწყვეტილებები იქნება მიღებული. შესაძლებელია იმედი გვქონდეს, რომ კვირის ბოლომდე, თბილისისა და რუსთავის გახსნის საკითხიც დადებითად გადაწყდება", - აღნიშნა პრემიერ-მინისტრმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან