აქციის მონაწილეები ყველა იმ ადგილზე მისვლას იწყებენ, სადაც გიორგი გახარია და მთავრობის სხვა წევრები მივლენ, -ამის შესახებ „ექსპრესნიუსს“ რუსთაველის გამზირზე მიმდინარე აქციის „სირცხვილია“-ს ერთ-ერთმა ორგანიზატორმა, გიგა მაქარაშვილმა განუცხადა.

მაქარაშვილის განმარტებით, ხვალ, პარლამენტის წინ კონცერტი ჩატარდება, სადაც მონაწილეობას აქციის მხარდამჭერი მომღერლები მიიღებენ.

„აქციები ჩვეულებრივად, სტანდარტულად გაგრძელდება , როგორც წინა დღეებში იყო. რუსთაველის გამზირზე, 19:00 საათზე დავიწყებთ შეკრებას. ხვალ დიდი კონცერტი ჩატარდება ყველა იმ არტისტის მონაწილეობით, ვინც აქამდე მხარს გვიჭერდა  და არიან ისეთებიც, ვინც ხვალ პირველად გამოვლენ.  ასევე, სიახლე იქნება ის, რომ გარკვეული ჯგუფები შეიკრიბებიან იქ, სადაც მივლენ გახარია და მთავრობის სხვა წევრები.  შაბათს ისევ მასშტაბურ მარშს ვგეგმავთ.  აქციები გაგრძელდება ყოველდღიურ რეჟიმში, უბრალოდ შეიძლება ფორმატს გადაეხედოს“, - განაცხადა გიგა მაქარაშვილმა.

შეგახსენებთ, რომ რუსთაველის გამზირზე საპროტესტო აქცია მეთოთხმეტე დღეა მიმდინარეობს. დემონსტრანტები შინაგან საქმეთა მინისტრის, გიორგი გახარიას თანამდებობიდან გადადგომას მოითხოვენ

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს