ცნობილი რუმინული დუეტი "Morandi" სკანდალში გაეხვა - მიზეზი მუსიკოსების მიერ რუსეთსა და ოკუპირებულ აფხაზეთში დაგეგმილი გასტროლებია: მეტიც, კონცერტი სოხუმში ხვალ, აგვისტოს ომის წლისთავზე უნდა შედგეს. ფაქტს, რუმინეთის საგარეო საქმეთა სამინისტრო გამოეხმაურა, დაგმო და კიდევ ერთხელ გამოხატა საქართველოს ტერიტორიული მთლიანობისადმი მხარდაჭერა.

"რუმინეთის საგარეო საქმეთა სამინისტრო გამოხატავს მტკიცე უთანხმოებას 7 აგვისტოს საქართველოში, სოხუმში (აფხაზეთის სეპარატისტულ რეგიონში) ჯგუფ Morandi-ს დაგეგმილ კონცერტთან დაკავშირებით.

არაღიარების პოლიტიკისადმი ერთგულების შენარჩუნებით, რუმინეთი კიდევ ერთხელ მტკიცედ ადასტურებს თავის ურყევ მხარდაჭერას საქართველოს სუვერენიტეტისა და ტერიტორიული მთლიანობისადმი, მის საერთაშორისოდ აღიარებულ საზღვრებში.“ | აცხადებს რუმინეთის საგარეო საქმეთა სამინისტრო.

Morandi ჰორიზონტზე 2004-2021 წლებში იყო - დუეტს ოქროს პერიოდი 2007-10 წლებში ჰქონდა, როცა ტოპ ჰიტები "Angels (love is the answer)", "save me" და "colors" გამოუშვა.

რუმინული მუსიკალური გაერთიანება ასპარეზს 2024 წელს დაუბრუნდა, თუმცა, ისინი ძირითადად 2000-იანებთან დაკავშირებულ მუსიკალურ ღონისძიებებზე და სხვადასხვა ფესტივალში მონაწილეობენ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს