სამტრედიის მუნიციპალიტეტის, სოფელ მელითაურის რწმუნებულის სოფიკო კიკაჩეიშვილის პრორუსულსა და ჰომოფობიურ გაცხადებებს სამტრედიის საკრებულოს „ერთიანი ნაციონალური მოძრაობის“ თავმჯდომარის მოადგილე, მამუკა ბიბილეიშვილი ეხმაურება.

როგორც მამუკა ბიბილეიშვილმა აღნიშნა, კიკაჩეიშვილმა თანამდებობა უნდა დატოვოს.

ამასთან, მისივე განცხადებით, თუ სამტრედიის მერი აღნიშნულ განცხადებებს იზიარებს, მისი პასუხისმგებლობის საკითხიც უნდა დადგეს.

„შერჩეული ჰყავს „ქართულ ოცნებას“ ყველა სოფელში ადამიანები ისეთი, შევადარებ მე-19 საუკუნეში ბოქაულები რომ ჰყავდათ დანიშნული რუსეთს, რომ უნდა დააშინონ მოსახლეობა და გამოიყვანონ არჩევნებზე ჩვეულებრივად. ამ დავალებას ჩვეულებრივად ასრულებენ. თუკი მერი არ ემიჯნება ამ განცხადებას, მაშინ მერის პასუხისმგებლობაც უნდა დადგეს. თუკი ემიჯნება, მაშინ უნდა გაათავისუფლოს ეს ადამიანი დაკავებული თანამდებობიდან“, - აღნიშნა ენმ-ს წევრმა.

შეგახსენებთ, რომ სოფიკო კიკაჩეიშვილის პრორუსული განცხადებებისა და რუსთაველის გამზირზე მიმდინარე საპროტესტო აქციის მონაწილეთა მიმართ გამოთქმული შეურაცხმყოფელი ტერმინოლოგიის გამო, სამტრედიის საკრებულოს სხდომაზე ენმ-ს წარმომადგენელმა მამუკა ბიბილეიშვილმა სოფიკო კიკაჩეიშვილის თანამდებობიდან გადაყენება მოითხოვა, რასაც მათ შორის სიტყვიერი დაპირისპირება მოჰყვა.

აღნიშნულის ამსახველ ვიდეო-მასალას ენმ-ს წევრი ფარნაოზ ჭკადუა facebook-ის საკუთარ გვერდზე გაავრცელა.

 ვიდეოში ისმის, თუ როგორ კამათობენ სოფიკო კიკაჩეიშვილი და „ნაციონალური მოძრაობის“ წარმომადგენლები. ოპოზიცია კიკაჩეიშვილის „ქართული ოცნების“ სახედ მოიხსენიებს რაზეც კიკეჩაშვილი მათ „მკვლელებს“ უწოდებს და აღნიშნავს, რომ „რუსეთი მოსწონს“.  „ენა გააჩუმე, არ გადამრიო... შენ როგორ ლაპარაკობ ადამიანის უფლებებზე. შენ მკვლელო შენ. მთელი ჩვენი სოფელი ჩახოცე... რა სახე, რა ხელებს მიშლი, უზრდელი ეს. რას გავდით საერთოდ, თუ გქონდათ ან სოფელი ან ქალაქი. ვაზაგაშვილის, გირგვლიანის სულს, რას პასუხობთ, არაკაცებო თქვენ.  მკვლელებო თქვენ. მე ჩემს სამსახურებრივ მოვალეობას 10-იანზე ვასრულებ და მაქვს, ჩემი აზრი. ცისფერები, ლეზბიანკები, პიდარასტები ყავენ იქ და „ნაციონალები“. რა გაცინებთ, სამარცხვინოები ხართ... ვინ არის იქ ნორმალური, სამარცხვინოები ხართ. ვენაცვალე გახარიას. ჩემი შვილი იქ ვერ გაბედავდა გასვლას. რუსეთი კარგი რომაა ის რომ ვთქვი, მაგიტომ ვარ.... თურქეთთან ნაკლები ურთიერთობა გვქონდა? ისტორიას გადახედე“... - მიმართა კიკეჩაშვილმა ოპოზიციას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს