საპროტესტო აქციათა ციკლის - „სირცხვილია“-ს დემონსტრანტებმა "თავისუფლების მარში" გამართეს. დემონსტრანტები რესპუბლიკის მოედანზე 19:00 საათზე შეიკრიბნენ და მსვლელობით პარლამენტის შენობასთან მივიდნენ. 

მარშის მონაწილეებს პოლიტიკოსებიც, კერძოდ, პარტია "ევროპული საქართველოს" და გაერთიანებული ოპოზიციის წარმომადგენლები შეუერთდნენ. 

დემონსტრანტების ერთდერთი მოთხოვნა შინაგან საქმეთა მინისტრის გიორგი გახარიას გადადგომაა. ისინი სკანდირებდნენ: "წადი!" ; "გაუმარჯოს საქართველოს".

როგორც "ევროპული საქართველოს" ერთ-ერთმა ლიდერმა გიგი უგულავამ "ექსპრესნიუსს" განუცხადა, გიორგი გახარიას თანამდებობის დატოვება ნებისმიერ შემთხვევაში მოუწევს.

"გახარიას მაინც მოუწევს წასვლა, თუ არ უნდა თავისი გუნდი პოლიტიკურ მოუსავლეთში გაუშვას. ბევრს არ ვილაპარაკებ მთავარი მოთხოვნაა, რომ მან დაკავებული თანამდებობა უნდა დატოვოს", - განაცხადა უგულავამ. 

მსვლელობის დროს რუსთაველის გამზირი მთლიანად გადაიკეთა. ადგილზე საპატრულო პოლიციის წარმომადგენლები იყვნენ მობილიზებული. 

აქციის მონაწილეები პარლამენტის შენობასთან იმყოფებიან, სადაც უკვე მე-10 დღეა საპროტესტო აქცია მიმდინარეობს. 

ცნობისთვის, დემონსტრანტებს სულ 3 მოთხოვნა ჰქონდათ, კერძოდ: პროპორციულ საარჩევნო სისტემაზე გადასვლა, შს მინისტრის გიორგი გახარიას გადადგომა და აქციის დროს დაკავებული მოქალაქეების გათავისუფლება. ხსენებული მოთხოვნებიდან 2 უკვე დაკმაყოფილდა და დემონსტრანტები ბოლო მოთხოვნის, შს მინისტრის გადაყენებას, ითხოვენ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს