2023-09-15 16:11:28, 744 ნახვა
პოლიტიკა
არძინბა - ბელარუსისგან დე ფაქტოდ ეკონომიკურ აღიარებას მივაღწიეთ
დროებით ოკუპირებული აფხაზეთის ე.წ. საგარეო საქმეთა მინისტრის, ინალ არძინბას განცხადებით, ბელარუსის პრეზიდენტმა, ალექსანდრ ლუკაშენკომ გადაწყვიტა, რომ ოკუპირებულ აფხაზეთთან საბაჟო გადასახადისგან თავისუფალი ვაჭრობა უზრუნველყოს.
არძინბას თქმით, აფხაზეთი ბელარუსთან სავაჭრო-ეკონომიკურ კავშირებს ამყარებს.
"დე ფაქტოდ, ჩვენთვის ეს ეკონომიკურ აღიარებას ნიშნავს. ბელორუსის რესპუბლიკასთან პოლიტიკური ურთიერთობების შემდგომი ტრაექტორია დამოკიდებულია იმაზე, თუ როგორ ვისარგებლებთ ამ შესაძლებლობით",- განაცხადა ინალ არძინბამ.
ავტორი: ექსპრესნიუსი,
epn.ge (@expressnews.ge)
