ზრდასრული შრომისუნარიანი მოსახლეობა შევაჩვიეთ უმუშევრობას, სიღარიბეს და უმოქმედობას, - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომის დაწყებამდე განაცხადა

ღარიბაშვილი გამოდის ინიციატივით, შეიქმნას ახალი პროგრამა და ნაცვლად სოციალური დახმარებისა, მოქალაქეებს შესთავაზონ სამუშაო ადგილები.

„არსებული სოციალური პოლიტიკა გვაჩვენებს, რომ მიმდინარე დინამიკა შემაშფოთებელია, ვთქვათ პირდაპირ, რომ ჩვენ არსებული სოციალური პოლიტიკის ფარგლებში ზრდასრული, შრომისუნარიანი მოსახლეობა შევაჩვიეთ, შევაგუეთ უმუშევრობას, სიღარიბეს და უმოქმედობას, რეალურად დღეს, შრომისუნარიანი სოციალურად დაუცველი მოქალაქე არ არის მოტივირებული დაიწყოს ახალი სამუშაო ადგილი იმის შიშით, რომ მას სახელმწიფომ არ მოუხსნას სოციალური დახმარება, არ არის მოტივირებული რომ საყოფაცხოვრებო პირობები გაიუმჯობესოს, ეს არის კატასტროფა. ჩვენ, როგორც ხელისუფლებამ უნდა გადავდგათ გაბედული, ქმედითი ნაბიჯები.

მე მქონდა საუბარი მთავრობის წევრებთან, ეკონომიკურ გუნდთან, მაქვს იდეა და ინიციატივა, შეიქმნას სამუშაო ჯგუფი, რომელსაც უხელმძღვანელებს ვიცე-პრემიერი ლევან დავითაშვილი და ჩვენ წარმოგიდგენთ ახალ სოციალურ ხედვას, პოლიტიკას, თუ როგორ უნდა შევცვალოთ არსებული, მანკიერი სისტემა, გასანსაღებული  სისტემით, რაც გულისხმობს, რომ უნდა შევქმნათ ახალი პროგრამა და ნაცვლად სოციალური დახმარებისა, უნდა შევთავაზოთ მოქალაქეებს სამუშაო ადგილები და ასეთი საზოგადოებრივი სამუშაო ადგილები შეგვიძლია შევქმათ ათასობით და ათიათასობით, თითოეულ მუნიციპალიტეტში“, - განაცხადა ღარიბაშვილმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს