მიხეილ სააკაშვილმა გამომიგზავნა წერილი, სურს, რომ მოვინახულო, ამის გამო ჩამოვედი საქართველოში, - ამის შესახებ უკრაინის ომბუდსმენმა, ლიუდმილა დენისოვამ თბილისის საერთაშორისო აეროპორტში, ჟურნალისტებთან საურისას განაცხადა

„მიხეილ სააკაშვილმა გამომიგზავნა წერილი და სურს, რომ მე ის მოვინახულო, ამის  გამო ჩამოვედი. ჩვენ გავაგზავნეთ ყველა საჭირო დოკუმენტი, წერილი იუსტიციის მინისტრთან, ასევე საჭირო უწყებებში და ველით პასუხს, რომ ხვალ შევძლოთ მიხეილ სააკაშვილის მონახულება, ჯერ კიდევ არ ვიცით წერილზე პასუხი“, - აცხადებს სახალხო დამცველი.

როგორც დენისოვა აღნიშნავს, მისი მიზანია გაარკვიოს, თუ როგორია მიხეილ სააკაშვილის ჯანმრთელობის მდგომარეობა შიმშილობის 46-ე დღეს.

„მე უნდა გავარკვიო, უნდა ავიღო ზუსტი ინფორმაცია, ასევე ექიმებისგან და ადვოკატებისგან მივიღო ცნობები, მაინტერესებს, რამდენად მძიმეა მიხეილ სააკაშვილის ჯანმრთელობის მდგომარეობა შიმშილობის 46-ე დღეს. ძალიან ვწუხვართ, რომ უკრაინის მოქალაქე იმყოფება ასეთ პირობებში“, - აცხადებს ომბუდსმენი.

უკრაინის სახალხო დამცველი პენიტენციური სამსახურის მიერ გასაჯაროვებულ კადრებსაც გამოეხმაურა და აღნიშნა, რომ მიხეილ სააკაშვილის მიმართ ხორციელდება წამება და არაადამიანური მოპყრობა.

„ჩვენ შეგვიძლია ვთქვათ, რომ ეს არის წამება და არაადამიანური მოპყრობა, რაც ვნახეთ, ეს არის მისი უფლებების დარღვეა, ადამიანს გააჩნია სიცოცხლის უფლება, რომლის შებღავლაც ხდება. შეგვიძლია ვივარაუდოთ, რომ ეს პროცესი ძალიან მძიმე შედეგით დასრულდეს“, - აღნიშნა ომბუდსმენმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს